Halyqaralyq deńgeıdegi sporttyq sharalar ótkizýge arnalǵan nysandy óńirdegi iri qurylys kompanııasy óz qarjysyna turǵyzǵan. Keshen «Týǵan jer» respýblıkalyq forýmy kezinde ashyldy. Aýmaǵy 6 myń sharshy metr bolatyn záýlim saraıynda boks, dzıýdo, erkin kúres jáne taǵy da basqa jekpe-jek túrlerinen saıystar uıymdastyrylady. Ol úshin bar jaǵdaı jasalǵan. Jattyǵý zaldary men sport úıirmelerinen bólek, syrttan keletin sportshylarǵa ashana men demalys bólmeleri de qarastyrylǵan. Al sporttyq saıystardy 800-ge jýyq kórermen tamashalaı alady.
- Jaqyn arada eresekter arasyndaǵy álem chempıonatynda Parıjden ekinshi oryn aldym. Sportshylarǵa kóp kómek kórsetip jatyr. Osydan keıin qalaı shyqpasqa. Zalda kúres túri bar, boks túri bar, bári bar, aldaǵy ýaqytta balalar top jarady dep oılaımyn, - dedi grek-rım kúresinen QR Eńbek sińirgen sport sheberi Meırambek Aınaǵulov.
