Qazir aımaqtaǵy 791 mektepke deıingi mekemede 53 myńdaı balǵyn tárbıe alady. Salaǵa quıylǵan jeke ınvestısııa 70,8% qurap otyr. Tıimdi áriptestik tetigin qoldaný arqasynda «Balapan» baǵdarlamasy merziminen buryn oryndaldy. Endi alda 3 jasqa deıingi búldirshinder men óńirdegi múmkindigi shekteýli myń jarymdaı balǵyndy bóbekjaımen qamtý mindeti tur. Múgedektigi bar balalardyń tek 24%-y ǵana ınklıýzıvti balabaqshalarǵa tartylǵan. Bul másele 2020 jylǵa qaraı tolyǵymen sheshiledi dep josparlanyp otyr.
- Bizdiń aldaǵy mindetimiz jekemenshik balabaqshalardyń úlesin arttyra otyryp, bir jáne úsh jas aralyǵyndaǵy balalardy bóbekjaılarmen qamtý jáne damýy shekteýli balalardy mektepke deıingi bilim berý uıymdarynda ınklıýzıvti bilim berýdi qamtýdy maqsat etip qoıdyq. Qazir 320 oryndyq, 280 oryndyq 3 jekemenshik balabaqshanyń qurylysy júrgizilýde. Sonymen qatar, memlekettik balabaqshalar jelisi de damıdy, - dedi oblystyq bilim basqarmasynyń basshysy Baqytjan Saılybaev.
