Oıynnyń 60-mınýtynda qonaqtardyń 20 nómirli oıynshysy Sımonıan soqqy jasap úlgerdi. Artynsha qarymta shabýylǵa kóshken qazaqstandyqtar esepti teńestirip ketti.
Oıynnyń 61-mınýtynda sol qaptaldan Roman Murtazaevtyń áýelete bergen ádemi pasyn Baýyrjan Turysbek qaqpaǵa dál baǵyttap, esepti teńestirdi. Bul Baýyrjannyń qurama sapynda soqqan ekinshi goly. Alǵashqy goldy osydan úsh kún buryn Rýmynııa quramasyna soqqan edi.
Oıynnyń 75-mınýtynda Mhıtarıannyń jasaǵan qaýipti soqqysy abyroı bolǵanda qaqpamyzdan bıik ketti. Oıynnyń 90-mınýtynda oń qaptaldan Sımonıan tepken dopty Logvınenko baspen qaıtaryp, quramany jeńilisten aman alyp qaldy. Qalǵan ýaqytta kishigirim shabýyldar oryn alǵanymen, qos qaqpashy da anaý aıtqandaı kóp terleı qoımady.
Osylaısha qos qurama 1:1 esebimen teń tarqasty.
Almas MANAP,
"Egemen Qazaqstan"
