Biraq oǵan ýaqyt shirkin yryq bere me? Bireýdiń jumysy, bireýdiń sabaǵy degendeı. Degenmen de qaladan shyqpaı-aq, alysqa uzamaı-aq óńirdegi tarıhı eskertkishtermen, qundy jádigerlermen, oblystyń kórkem tabıǵatymen tanysýǵa, tamashalaýǵa bola ma? Bolady eken. О́skemendegi A.Pýshkın atyndaǵy oblystyq kitaphana ujymy «Rýhanı jańǵyrý» baǵdarlamasy aıasynda «Meniń ólkem – ǵajap ári kórkem» atty vırtýaldy kitap kórmesi arqyly shahar turǵyndaryna osyndaı tamasha múmkindik usynyp otyr. О́ńirdegi ǵajap jerler men ǵajaıyp tarıhty ǵalamtor aldyńyzǵa jaıyp salady. Tek kitaphanaǵa kelseńiz, yqylas-peıil bólseńiz bolǵany. «Vırtýaldy kórme «Kóne ári jas», «Qupııaly ári qudiretti», «Shyraıly ári shýaqty», «Kıeli ári qasıetti», «Igilikti ári darhan» jáne «Ǵıbratty ári parasatty» degen birneshe bólimnen turady. Ár bólim Elbasynyń «Shyǵys Qazaqstan – elimizdiń injý-marjany» degen tamasha sózinen bastaý alady. Kórme arqyly aımaǵymyzdaǵy taýlar men dalalardy, oblys tarıhyna qatysty ańyz-ápsanalardy, salt-dástúrlerimizdi jáne qazaq jerindegi tabıǵı baılyqtar men álem nazaryn aýdarǵan tarıhı eskertkishterdi tamashalap, olar týraly mol maǵlumattar alýǵa bolady. Oblystan shyqqan tanymal aqyn-jazýshylar týraly derekter de mol. Vırtýaldy kórme áli de jalǵasady. Sondyqtan qala turǵyndaryn kórmeni tamashalaýǵa, óńirimizdiń tarıhymen, tabıǵatymen tanysýǵa shaqyramyz», deıdi kitaphana qyzmetkeri Jansaıa Áshkenova.
Azamat QASYM,
«Egemen Qazaqstan»
О́SKEMEN
