Ortalyq kommýnıkasııalar qyzmetinde ótken baspasóz máslıhatynda Aqparat jáne kommýnıkasııalar vıse-mınıstri Alan Ájibaev is-sharaǵa 25 respýblıkalyq jáne aımaqtyq telearna, sondaı-aq elimizdiń barlyq óńirinen 100-den asa prodakshn-kompanııalar qatysqanyn atap ótti.
«Qazaqstandyq BAQ, kıno jáne prodakshn-stýdııalardan basqa «Kontent-marketke» qurmetti qonaqtary retinde 7 sheteldik delegasııa keldi. «ASTANA DIGITAL FORUM»-na 23 spıker jáne ár salanyń 300-deı ókili jınaldy. Aqparat jáne kommýnıkasııalar mınıstrliginiń tapsyrysymen «Bas redaktorlar klýby» QQ, «El-shejire» QQ aımaqtyq BAQ ókilderi úshin 8 semınar jáne trenıng uıymdastyrdy. Al 6 qazanda «Aımaqtyq BAQ forýmy» ótti. Onda medıa salasynyń bedeldi sarapshylary medıa-kontent sapasyn kóterý máselelerin, sonymen qatar, BAQ salasyndaǵy zańnamany talqylady. «Aımaqtyq BAQ forýmynyń» jumysyna barlyǵy 20-dan astam belgili spıker men elimizdiń túkpir-túkpirinen 400 jýrnalıst qatysty», dedi Alan Ájibaev.
Aıta ketetin taǵy bir jaıt, 6 qazanda eń úzdik baspasóz qyzmetin marapattaý rásimi ótti.
Raýan QAIDAR,
«Egemen Qazaqstan»
