«Avtobýsta barlyǵy 3 qazaqstandyqtyń bolǵany anyqtaldy. Olardyń bireýi qaza boldy. Aman qalǵandardyń arasynda ekinshisi júrgizýshi, al úshinshi azamat jolaýshylardan jolaqy jınaýmen aınalysqan. Qazirgi kezde ol basqa bap boıynsha ustaldy. Búgin zańsyz kóshi-qon isinde onyń naqty mártebesi belgili bolady»,-deıdi Jaınaqov.
Onyń sózine qaraǵanda, qazaqstandyq dıplomattar Vladımır oblysyndaǵy jol-kólik oqıǵasy aıasynda isti tergeýshilermen turaqty baılanysta.
«Qazirgi ýaqytta Máskeýdiń kóliktegi tergeý komıteti sol apatta aman qalǵan júrgizýshini qaýipsizdik erejesin buzý turǵysynda 238 bap boıynsha ustaǵandyǵy málim boldy. Reseıdegi Qazaqstan Elshiligi atalǵan komıtetten resmı aqparat alý úshin tısiti saýaldy joldady», dedi ol.
«Al JKO-da aman qalǵan Qazaqstannyń ekinshi azamatyna toqtalatyn bolsaq, ol ýaqytsha ustalyp, zańsyz kóshi-qon isi boıynsha kýáger retinde qaralyp otyr. Búgin onyń istegi mártebesi jaıynda naqty aıqyndalady dep kútilýde»,-dep túsindirdi Jaınaqov.
Aıta keteıik, Reseı Federasııasynyń Vladımır oblysynda Qazaqstannan shyqqan avtobýs jol apatyna ushyraǵany týraly buǵan deıin habarlaǵan edik. Vladımır oblystyq TJM-niń málimetterine súıensek, apatqa ushyraǵan avtobýsta 55 О́zbekstan azamaty jáne 2 júrgizýshisi qazaqstandyq bolǵan. Júrgizýshilerdiń bireýi apattan mert boldy.
