Almatyda «Alash ulaǵaty» atty kitaptyń tusaýy kesildi

Alashordalyqtardyń urpaq­ta­ry, ǵalymdar, tarıhshylar, saıasatkerler, qoǵam qaıratkerleri men jastar qatysqan kon­ferensııa barysynda uly Muh­tar Áýezovtiń shákirti, aqyn, jazý­shy, dramatýrg, ǵalym Qaıym Mu­ha­medhanovtyń qyzy Dına Qa­ıymova qazirgi qoǵamnyń rýhanı jań­ǵyrýyna qatysty máseleler qoz­­­ǵalǵanda Alash qaıratkerleriniń murasyna da tereńirek úńilý kerek­tigine toqtaldy. 

«Halqymyzdyń rýhanı­ jań­ǵyrýy – tarıh betindegi kómeski tartqan shyndyqtardy búgingi ur­paq sanasyna qaıta toqylýy. Osy tus­ta Álıhan Bó­keıhanov, Ahmet Baı­tursynov, Mirjaqyp Dýlatov, Júsipbek Aımaýytov, Maǵjan Ju­­mabaev, Halel Dosmuhamedov, Mu­hamedjan Tynyshbaev, Halel Ǵab­basov, Otynshy Áljanov, Mu­ha­medhan Seıitqulov, Álim­han Ermekov syndy Alash qozǵaly­synyń kóshbasshylary men qaırat­kerleriniń halqyna sińirgen eńbe­gin qaster tutyp, olardy jadydan shyǵarmaýymyzdyń ózi rýha­nı jańǵyrý jolyndaǵy bas­ty mindetimiz. Keńestik bılik arysta­rymyzdyń aty-jónin de, olardan qalǵan barlyq estelik-muralardy da joıyp, múldem umyttyryp ji­­berýge qansha tyrysqanymen, olar­dyń Muhtar Áýezov, Qa­ıym Muhamedhanov sııaqty izbasar­larynyń arqasynda halqymyz Alash rýhymen qaıta qaýyshty, dep atap ótti Dına Qaıymqyzy. 

Qaıym Muhamedhanovtyń shá­kirti, belgili ǵalym Erbol Irgebaı júr­gizgen atalmysh basqosýda Ah­met Baıtursynovtyń, Asylbek Seıitovtiń, Qoshke Kemeńgerovtiń, Otynshy Áljanovtyń, Tórebek Os­manovtyń asyldyń synyǵyndaı, tul­pardyń tuıaǵyndaı búgingi ur­paq­tary Aıman Baısalova, Klara Seıitova, Gúlnar Kemeńgerova, Gúl­farıza Otynshıeva, Darıǵa Osmanova jınalǵan qaýym ortasynda óz estelikterimen bólisti. Al­ alashordalyqtardyń halyqqa sińir­gen eńbekteri jaıly baıandama ja­saǵan fılologııa ǵylymdarynyń doktory, professor Aıgúl Ismaqova. «Alash qaıratkerleriniń izbasary bol­ǵan Muhtar Áýezov, Álkeı Mar­ǵulan syndy uly tulǵalar Keńes óki­­meti tusynda óz ustazdary týraly shyndyqty ashyq aıta almady. Biraq Muhtar Omarhanuly óziniń so­ńynan ergen jas shákirti Qaıym Muhamedhanulyn Abaıtanýǵa baý­lyp, Abaı arqyly Alash ıdeıasyn kótergen Álıhan, Ahmet babala­rymyzdyń murasyn keleshek urpaqqa jetkizýdi amanattady»,  dedi.

Jıyn barysynda Alash qoz­ǵa­lysy qaıratkerleri men kósh­bas­shy­larynyń halqymyzdyń tarı­hy men mádenıeti, saıası ómiri men sharýashylyǵy, el táýelsizdigi týraly ótken ǵasyrdyń 20-shy jyldary baspasóz betterinde, ádebı-pýb­­lısıstıkalyq shyǵarmalarynda ja­zyp qaldyrǵan, búgingi ómirimizde de óz máni men maǵynasyn joımaǵan tu­jy­rymdy oı-pikirleri, tańdamaly dáıeksózderi toptastyrylǵan «Alash ulaǵaty» atty kitaptyń tusaý­keseri ótti. Jalpy kópshilikke, tárbıe­shiler men oqytýshylarǵa arnalǵan bul­ shaǵyn ári qundy kitapty «Qa­ıym Muhamedhanov atyndaǵy Bilim jáne mádenıet ortalyǵynyń» bas­tamasymen tarıh ǵylymdarynyń kandıdaty, professor Amantaı Isın qurastyrǵan eken.

Sondaı-aq Alash qozǵalysynyń 100­ jyldyǵyna oraı ótkizilip otyr­ǵan atalmysh ǵylymı-tá­jirıbelik konferensııada abaıtanýshy, ǵalym Qaıym Muha­medhanovtyń jeke ar­hı­vinen, Shy­ǵys Qazaqstan obly­synyń mu­raǵattyq qorynan, Se­meı qa­lasy Tarıhı-ólketaný mu­rajaıynan jáne Ortalyq mem­lekettik mu­ra­jaıdan alynǵan Alash­orda qaı­ratkerleriniń ómiri men qyz­meti týraly keńeıtilgen fo­to­materıaldar men qujattar qo­ıyl­ǵan kórme uıymdastyryldy. 

Mıra BAIBEK,
«Egemen Qazaqstan»

ALMATY