Qaırat Maqaev 1980 jyly 23 sáýirde týǵan. Joǵary ekonomıkalyq jáne agrarlyq bilimi bar.
Eńbek qyzmetin ekinshi deńgeıli bankte bastaǵan. «QazAgro» Ulttyq basqarýshy Holdıngi» AQ júıesinde 2009 jyldan bastap jumys isteıdi.
2009 jyldan 2012 jyldar aralyǵynda «QazAgroFınans» AQ ortalyq apparatynyń bas mamany, bólim basshysy laýazymdarynan aımaqtyq fılıaldar men ókildikter basshysy qyzmetterin atqarǵan.
Holdıngtiń ózinde birneshe ózekti departamentterdiń dırektory laýazymdaryn atqaryp, 2012 jyldan bastap jumys istegen.
Sonymen qatar, ár túrli ýaqyttarda «QazAgro» AQ «Qazagromarketıng», «Agrarlyq nesıe korporasııasy» sııaqty enshiles aksıonerlik qoǵamdarynyń dırektorlar keńesiniń múshesi jáne «KazMeat» JShS qadaǵalaý keńesiniń tóraǵasy qyzmetterin qosa atqardy.
2017 jyldyń shilde aıynan osy ýaqytqa deıin «QazAgro» holdınginiń Korporatıvtik basqarýdy damytý departamentiniń dırektory laýazymyn atqardy.
«QazAgroKepil» AQ Dırektorlar keńesiniń tóraıymy Gúlnaz Atamqulova jańa Basqarma Tóraǵasyn ujymǵa tanystyrǵanda: «Qaırat Maqaev – óz mansabyn aımaqtyq apparatta da, ortalyq apparatta da jumys atqaryp tómennen bastaǵan joǵary bilikti maman. Onyń búgin taǵaıyndalýy – «QazAgro» óz mamandaryn ósirýiniń kórsetkishi. «QazAgroKepil» AQ jańa basshysynyń aldynda, júzege asyrylýy qazaqstan agrarııasyna ǵana emes, jalpy elimizge mańyzdy úlken mindetter tur. Aýyl bıznesin kepildendirý jáne saqtandyrý – argoónerkásip keshenin damytýdyń mańyzdy bólikteriniń biri», - dep atap ótti.
