Karles Pýchdemonnyń aıtýynsha, 1 qazanda ótken referendým kezinde avtonomııa táýelsizdik jarııalaý týraly mandat alǵan.
"Biz Ispanııaǵa qarsy kelip jatqan joqpyz. Biz daýys berýge ruqsat surap otyrmyz. Biraq referendým nátıjesin iske asyrý úshin táýelsizdik deklarasııasyn jarııalaýdy keıinge qaldyrýdy usynamyz. Biz búgin dıalogqa nıetti ekenimizdi bildiremiz" dedi Katalonııa basshysy.
Parlamentte sóılegen sózinde Katalonııa lıderi táýelsizdik jarııalaıdy degen boljam aıtylǵan bolatyn. Alaıda, belgilengen merzim jaqyndaǵanda sóz sóıleıtin ýaqyt qosymsha keńesýler úshin dep bir saǵatqa shegerildi.
Ispanııa bıligi Katalonııa basshysynyń bul málimdemesine túbegeıli qarsy shyqty. Olardyń aıtýynsha, "katalonııalyqtardyń basym bóligi respýblıka formasyndaǵy táýelsizdikti qalamaıdy".
Esterińizge sala ketsek, ıspan bıligi moıyndamaı otyrǵan Katalonııa táýelsizditi týraly referendým 1 qazanda ótken bolatyn.
Gúlnur Qýanyshbekqyzy,
"Egemen Qazaqstan"
