Jańartylǵan bilim be­rý baǵdarlamasyn ata-analar jaqsy qabyldady

Eń bastysy, biz HHI ǵasyr balalaryna zamanǵa saı bilim berýge bet aldyq. Ár adam zamanǵa saı tabysty da bilimdi bolý úshin qandaı daǵdylardy meńgerýi kerek? Árıne, ár ha­lyq eń birinshi óz tilin jetik bilýi kerek, elimizdegi halyqtar dostyǵyn nyǵaıtatyn orys tilin jáne halyqaralyq aǵyl­shyn tilin bilý mańyzdy.

Qa­zirgi tańda jańarǵan bi­lim be­rý baǵdarlamasynda osy úsh til de jańa jolǵa qoıyl­ǵan­dyǵyn ata-analar men us­taz­dar jaqsy qabyldady. Úki­met tarapynan úsh tildi bilim berýdi uıymdastyrý maq­satynda qarjy bólinip, us­tazdarǵa qosymsha aǵylshyn tili úıretilýde.
Bolashaqta joǵary deńgeı­degi bilikti mamandarǵa suranys artatyny belgili ekenin ustazdar jaqsy túsinip, bilim jetildirýge umtylýda. О́z kásibiniń sheber­leri kóbeıgende ǵana elimiz te­zi­rek damı túseri anyq. Ár maman ózindik ereksheligi bar sheshim qabyldaýdy meńgere bilse, oǵan ujymy da, otbasy músheleri de túsinistik tanytsa, elimizdegi bilim deńgeıimen birge ekonomıkalyq kórsetkishimizdiń de joǵarylaı túsetini belgili. 

Álbette, jańartylǵan bi­lim baǵdarlamasyna kóshý ońaı sharýa emes. Degenmen us­­taz­dar qosymsha kýrstardy oqyp, barynsha alǵa umtyla tú­­sýde. Ádistemeni ózgertý, oqý­­lyqtardy qaıta shyǵarý ońaı emesi túsinikti.  Ár qolǵa alynǵan istiń bastapqy kezeńinde qıynshylyqtar, qatelikter bolýy zańdylyq. Tek der shaǵynda bir jaǵadan bas, bir jeńnen qol shy­ǵaryp, bolashaqqa senimmen qa­rap, zamanǵa saı bolý úshin birlese eńbektengende ǵa­na úl­­ken nátıjelerge qol jetki­ze­tinimiz anyq.

Árıne, bar bilgenin bala­lardyń boıyna sińirip, bilim nárin egip júrgen ustaz jumy­synyń jeńil emesi belgili. So­ǵan qaramastan el bolashaǵy úshin bar yntasymen jańalyq ataý­lyny jyldam qabyldap úl­geretin ustazdar qaýymy – qo­­ǵamdy alǵa súıreýge atsa­ly­syp otyrǵan úlken kúsh. О́zim basshylyq etetin bilim uıa­syndaǵy, ıaǵnı Shákárim  Qu­daıberdiuly atyndaǵy №190 jal­py bilim berý mektebinde eń­bek etip júrgen bastaýysh synyp muǵalimderi Elvıra An, Kelbet Úmbetalıeva syndy jas ustazdar bıyldan bastap engizilip jatqan jańa baǵdarlama erekshelikteri men oqý-qural ádistemeleriniń óz­derine de, oqýshylarǵa da óte qolaıly ekenin aıtyp, óz óti­nishterimen bıyl da birinshi já­ne ekinshi synyptarǵa qýana dá­ris berip júrgenin aıtqym ke­ledi. Eńbeginiń jemisti bolýy úshin jan-tánimen qulshyna ju­mys isteıtin mamannyń kim­di de bolsa qýantatyny anyq. Ásirese, muǵalimdik maman­dyq­ta mundaı qasıettiń bir­den baı­qalyp, ata-analar tarapy­nan da, balalar tarapynan da razylyqqa bólenetini ras. Jańa baǵdarlamaǵa túsinbes­tik tanytqan ata-analar da kez­desetinin jasyrmaımyz.­ Olar­ǵa semınar, jınalys jáne je­ke dıdarlasý arqy­ly ja­ńa­ baǵ­darlamanyń artyq­shy­lyq­taryn tú­sindirýdemiz.  

Jańartylǵan oqý baǵdar­lamasy muǵalim shyǵarma­shy­lyǵyna erkindik bere otyryp, shynaıy ómirmen baılanysty­ túzilgenin atap ótý kerek. Oqý barysynda ustaz da, oqýshy da bas­ty ról atqaryp, ustaz oqý­shyny óz betinshe kóp izdenip, kó­birek málimet jınaýǵa yntalandyratyny qýantady.
Bilim alýshylardyń oqý je­tis­tikterin baǵalaýda da úl­ken erekshelik bar. Jasyrary joq,­ bastapqy kezde krıterıı­ boıynsha baǵalaý jáne jıyn­tyq baǵalaýda qamtý isinde bi­raz túsinbeýshilikke tap bol­ǵanymyz ras. Degenmen, «О́rleý» BAUO AQF jáne Peda­gogıkalyq sheberlik orta­lyǵynyń  uıym­dastyrǵan bilim kó­terý kýrs­tarynyń arqasynda bul másele de sheshimin tapty.  

Oqýshy úshin ár sabaq bilim álemine saıahatqa shyqqandaı áser qaldyrýy tıis ekenin túsine bilgen muǵalim jumysynyń nátıjesi jaman bolmaıtyny anyq. «Bes saýsaq birdeı bolmaıdy» demekshi, baǵdarlamany tolyq meńgere almaıtyn oqý­shylarmen qosymsha jumys isteý de jańa baǵdarlamada qa­ras­tyrylǵan.

Sábıla EŃSEPBAEVA, 
Shákárim Qudaıberdiuly atyndaǵy 
№190 jalpy bilim berý mektebiniń dırektory, 
Qazaqstan bilim berý isiniń qurmetti qyzmetkeri

ALMATY