«Kompozıtor» fılmi 20 ǵasyrda ómir súrgen qytaılyq kompozıtordiń ómirbaıany týrasynda órbıdi. Shyǵarmada onyń joldasy sazger Baqytjan Baıqadamovpen dostyǵy kórsetiledi.1941 jyly Ekinshi dúnıejúzilik soǵys bastalǵan tusta Sıan Qazaqstannyń Almaty qalasynda qalyp qalady. Qıyn-qystaý kezeńdi basynan ótkergen kompozıtorǵa Baqytjan kómek berip, dostyqtyń úzdik úlgisin kórsetedi.
Fılm rejısseriniń sózinshe, akterlyq quramda qytaılyq akter Hý Szıýn, qazaqstandyq Berik Aıtjanovtar bar. Atalǵan jumystar «Bir beldeý, bir jol» bastamasy sheńberinde iske asyrylmaq.
Qazaqstannyń eńbek sińirgen óner qaıratkeri Baqytjan Baıqadamov kóp daýysty hor mýzykasy janryn qalyptastyrýda erekshe eńbek etti. «Jaılaýǵa», «Biz beıbitshilik úshin» sııaqty ózge de horǵa arnalǵan sıýıtalar, vokaldyq kompozısııalar, horǵa arnalǵan kólemdi poemalar («Qyz armany», «Aıtys», «Eńbek jemisi») jazdy. Fızıka, matematıka, mýzyka teorııasy salasyndaǵy bilimin ulttyq mýzyka aspaptaryn jetildirý maqsatyna paıdalanyp, dombyranyń úndiligin arttyratyn jańa ólshemder jasap shyqty. Kópshilikke tanymal bolǵan «Aıgúl» ansamblin uıymdastyryp, estradalyq janrdyń damýyna da at salysty.
Aıa О́mirtaı,
«Egemen Qazaqstan»
