Ony Seýl ulttyq ýnıversıteti gospıtaliniń halyqaralyq densaýlyq saqtaý ortalyǵynyń atqarýshy dırektory Kvang Výng Lı jáne aǵzalardy transplanttaý ortalyǵynyń dosenti Kýıng Chýl Ion jasaýda. Osylaısha bizdiń dárigerlerge qan toptary úılespeıtin kezde tiri týys donordan baýyr transplanttaý tehnologııalaryn meńgerýdi úıretpek.
Ulttyq onkologııa jáne transplantologııa ǵylymı ortalyǵynyń hırýgııa boıynsha bas keńesshisi Toqan Sultanálıevtiń aıtýynsha, qazir ota jasalyp jatqan naýqas baýyr sırrozyna shaldyqqan 55-56 jastaǵy adam. Onyń qan toby birinshi topqa jatatyn bolsa, donordyń qan toby ekinshi topqa sáıkes keledi. Jalpy álemdik tájirbıede mundaı ota jeti jyldan beri jasalyp keledi eken.
Seýl ulttyq ýnıversıteti gospıtaliniń halyqaralyq densaýlyq saqtaý ortalyǵynyń atqarýshy dırektory Kvang Výng Lı:
«Osy otany jasaý úshin 2,5 jyldan beri kelissózder júrgizildi. Nátıjesinde búgin arnaıy shaqyrtýmen Qazaqstanǵa kelip, sheberlik synyp kórsetip jatyrmyz. Qazaqstan joǵary medısınalyq qyzmet kórsetý jaǵynan halyqaralyq talartarǵa saı. Zamanaýı qural-jabdyqtarmen qamtamasyz etilgen. Aldaǵy ýaqytta mundaı kúrdeli otalardy otandyq mamandar da jasaı alatyn bolady», — dedi ol.
Máıit donorlyǵy damymaǵan Qazaqstan úshin mundaı tehnologııalardy meńgerý asa mańyzdy. Aıta keteıik, elimizde 2,5 myńnan astam adam baýyr almastyrýǵa , 3 myńnan astam naýqas búırek aýystyrýǵa kezekte tur.
