Olardyń quny 4 mln dollardy quraıdy eken. 2 joba jyl sońyna deıin iske qosylyp úlgermek. «Aıtalyq, «Rollton-Mareven fýd» kompanııasy Almaty oblysynda óz jobasyn qolǵa aldy. Reseıde ónim shyǵaratyn bul kásiporyn tez daıyndalatyn kespeni bıyldan bastap elimizde ázirleıdi.
Sonymen qatar, Pavlodar oblysynda alıýmınıı shyǵarýǵa qatysty joba bar. Oǵan «Gısın Haýs» nemis kompanııasy jaýapty. Jobanyń kuny – 4,2 mlrd teńge. Buryn elimizde alıýmınııdiń mundaı túri óndirilmegen. Taraz qalasynda «Hımpark Taraz» arnaıy ekonomıkalyq aımaǵy bar. Onda Qytaıdyń kompanııasy glıfosat shyǵaratyn zaýytty iske qospaq. Kásiporyn bıyl jumysyn bastaıdy», dedi Investısııalar komıteti tóraǵasynyń orynbasary.
Ashat RAIQUL,
«Egemen Qazaqstan»
