Kúnniń birinshi jartysynda D. Abaev ǵaryshtyq tehnıkalardy shyǵarý boıynsha AQSh jáne álemniń eń iri SpaceX kompanııasynyń Vıse-prezıdenti Patrısııa Kýpermen kezdesti. Kezdesýde baılanys salasyndaǵy yntymaqtastyq máseleleri talqylandy.
Sonymen qatar, Japonııanyń Ishki ister jáne kommýnıkasııalar mınıstri Tomınaga myrzamen kezdesý ótkizildi. Kezdesý barysynda sıfrlyq tehnologııalar jáne telekontent salasyndaǵy tájirıbe almasý qarastyryldy.
Budan soń, Aqparat jáne kommýnıkasııalar mınıstri D.Abaev Slovenııanyń Vıse-premeri B. Koprıvnıkarmen kezdesip, aqparattyq-kommýnıkasııalyq tehnologııalar salasyndaǵy servıster platformalaryn jasap shyǵarý boıynsha ózara is-qımyl máselelerin talqylady.
Kúnniń ekinshi jartysynda D.Abaev Búkilálemdik elektr baılanysy konferensııasynyń joǵary dárejedegi segmentinde sóz sóıledi. О́z sózinde Mınıstr «Sıfrlyq Qazaqstan» baǵdarlamasy jaıly aıtyp, onyń maqsattarymen tanystyrdy.
«Qazaqstan úshin aqparattyq-kommýnıkasııalyq tehnologııalardyń damýy óte mańyzdy. Nursultan Nazarbaevtyń saıasaty aıasynda Qazaqstannyń 25 jyldyq táýelsizdigi jyldarynda zamanýı aqparattyq-kommýnıkasııalyq landshaft quryldy. Sonymen qatar, 2018 jyly biz aqparattyq kommýnıkasııalyq tehnologııalar damýynyń jańa deńgeıine ótemiz. Munyń barlyǵy «Sıfrlyq Qazaqstan» baǵdarlamasy aıasynda ótetin bolady» - dedi Mınıstr.
Sondaı-aq, Argentınanyń Federaldy BAQ júıesiniń mınıstri E.Lombardımen jáne Argentınanyń Ǵylym, tehnologııalar jáne tıimdi ınnovasııalar mınıstriniń orynbasary V.Agýadomen kezdesýler ótkizildi. Kezdesýler barysynda medıa salasyndaǵy yntymaqtastyq boıynsha máseleler talqylandy. Aıta keteıik, D. Abaev jáne E.Lombardı budan buryn Astana qalasynda, EKSPO-2017 megajobasynyń aıasynda kezdesý ótkizgen bolatyn.
