Memleket basshysy osy baǵdarlamalyq maqalasynda ulttyq jazýymyzdy latyn álipbıine kóshirýdi bastaý qajettigin kóterdi. Bul ıgi isten shet qalmaı, belsendilik tanytý árbir ultjandy azamattyń paryzy bolýy tıis.
Táýelsizdigimizdiń eleń-alańynda Halyqaralyq «Qazaq tili» qoǵamynyń prezıdenti, akademık Ábdýálı Qaıdar latyn álipbıine kóshý máselesin tuńǵysh kóterip, Elbasyna hat joldaǵan edi. Sol jyldardaǵy ahýaldy, halyqtyń quramyn eskergen Prezıdentimiz asyqpaı, mine, táýelsizdigimizge 25 jyldan astam ýaqyt ótkende ǵana naqty tapsyrma berip otyr.
Endigi kezek ulttyq jazýǵa kelip tirelip tur. Sanamyzdyń túkpirinen tól dybystarymyzdy arshyp alý, tól emle – ereje qurastyryp alý ońaı emes. Álipbıi, tańbasy men erejesi úılesken jazý ǵana til egemendiginiń kepili.
Qazaq tiliniń jańa álipbıge kóshýi – táýelsiz memleket pen qazaq qoǵamynyń jeke dara isi men tańdaýy. Jańa álipbıge kóshý – úlken ulttyq nartáýekel. Latyn qarpine ótý kórshilerdiń múddesine qaıshy emes.
Latyn álipbıin engizý eldiń ishki máselesin sheshýge, memlekettik tildi damytýǵa baǵyttalǵan. Ýaqytty sozbaı jańa álipbıdi jan-jaqty talqylap, árbir áripti, ár tańba men belgini tereń taldaýymyz qajet. Sebebi, til jáne jańa álipbı máselesinde eshqandaı qatelik bolmaýy tıis.
El damýy úshin usynylyp otyrǵan ıdeıalardy durys túsinip qana qoımaı, onyń iske asýyna da belsene atsalysýymyz kerek dep oılaımyn. Bul bolashaq úshin, keler urpaqtyń taǵdyry úshin qajet. Latyn álipbıi qazaq elin jahandanýda jańa kóshke bastar kerýen basy. Álipbıdi ózgertý – óz ereksheligimizdi saqtap qalý, álemdik ıntegrasııa, aqparat alý múmkindikterin damytýǵa jaǵdaı jasary sózsiz.
Ábilhan TО́LEÝIShOV,
Halyqaralyq «Qazaq tili» qoǵamy Atyraý oblystyq bólimshesiniń tóraǵasy
Atyraý oblysy
