Onyń aıasy bıznes pen kásipkerlik isti tıimdi túrde júrgize bilýdegi san alýan taqyryptardy qamtydy. Bıznestiń qyry men syryn, onyń arǵy astarlary men ishki ıirimiderin qapysyz meńgergen shet eldik jáne otandyq kásipkerler júrgizgen sheberlik sabaqtary joǵary oqý oryndarynyń stýdentterine bul isti jańadan bastaǵandar men shaǵyn jáne ortasha bıznestiń ókilderine arnaldy.
Onyń basty arqaýy – ózińdi óziń jasa degen ustanymǵa arqa súıedi. Forýmnyń ótý barysy kezinde belgili bolǵandaı tabysty tulǵalar ótkizgen sheberlik klastary oǵan qatysýshylar úshin aqysyz júrgizildi. Sondaı-aq medaldiń eki jaǵy bar degendeı keshegi bir kúnderi forým aıasynda sol áleýetti kásipkerlerdiń ózderi úshin de sheberlik saǵatary ótkizilgeni besinshi basqosýdyń taǵy bir ereksheligi ispettes.
Ony Izraıl, Máskeý jáne Skolkovo qalalarynda arnaıy serıfıkattalǵan bıznes –jattyqtyrýshylar men kosaltınktik basshylary júrgizdi. Atalǵan sharalar shoǵyry Aqtóbe qalasyndaǵy «Atameken» bıznes-ortalyǵynda uıymdastyryldy. «Dostyq» kásipkerler klýbynyń negizin qalaýshy jáne sertıfıkattalǵan bıznes-jattyqtyrýshy Salamat Danabekov kásipkerliktiń kósegesin kógertýde mundaı kezdesýler men basqosýlardyń paıdasy mol bolatynyn aıtyp berdi. Sonymen qatar ol forýmdy ortaǵa tastalǵan jobalardyń Aqtóbe aımaǵynda qol jetkizýdiń tıimdi tustaryna toqtaldy.
Túıip aıtqanda, mundaı aıryqsha sheberlik klastary birinshiden kásipkerlerdiń biliktiligin odan ári kóterýge kómegin tıgizse, ekinshiden mundaı qadam qalyń jurtyshylyqtyń belgili bir kásipti bastaýǵa degen qyzyǵýshylyǵyn týǵyzbaq. Bıznestiń bel ortasynda júrgenderdiń áleýeti odan ári arta túsýine alǵyshart qalamaq.
Temir Qusaıyn,
«Egemen Qazaqstan»
Aqtóbe
