Konferensııa jumysyna Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń dırektory Erbol Tileshov, A. Baıtursynov atyndaǵy Til bilimi ınstıtýtynyń bas ǵylymı qyzmetkeri Álimhan Júnisbek qatysty.
Jıyn barysynda Erbol Tileshov qazaq álipbıiniń jańa nusqasyn jasaýǵa jetekshi uıym A. Baıtursynov atyndaǵy Til bilimi ınstıtýty ekenin atap ótti.
«Odan bólek ál-Farabı atyndaǵy Qazaq ulttyq ýnıversıtette, Abaı atyndaǵy Qazaq Pedagogıkalyq ýnıversıtette, L.N.Gýmılev atyndaǵy Eýrazııa ulttyq ýnıversıtetinde osy salanyń mamandary bar. Sonymen qatar Mádenıet jáne sport mınıstrliginiń basshylyǵymen ashylǵan www.emle.kz saıty bar. Osy saıtta bizdiń jazýymyzǵa, orfografııamyzǵa qatysty ǵylymı qor bar. Jáne de qazaq álipbıiniń jańa nusqasy bekitilgennen keıin kazlatyn.kz degen portal nemese saıt ashý josparlanyp otyr. Sol arqyly sizder álipbıge baılanysty barlyq suraqtarǵa jaýap taba alasyzdar», dedi Erbol Tileshov.
Aıta ketetin taǵy bir jaıt, ústimizdegi jyldyń 9 qazan kúni Qazaqstan Respýblıkasynyń Prezıdenti Nursultan Ábishuly Nazarbaevqa «Memlekettik tildiń biryńǵaı standartty álipbıiniń» jańa nusqasy tanystyrylǵan bolatyn.
