Kezdesý barysynda memleketter basshylary ekijaqty yntymaqtastyqtyń ózekti máselelerin jáne ony odan ári damytý perspektıvasyn talqylady.
Nursultan Nazarbaev Reseı Qazaqstannyń ekonomıkadaǵy jáne basqa da salalardaǵy mańyzdy strategııalyq áriptesi bolyp sanalatynyn atap ótti.
– Bıyl elderimiz arasyndaǵy dıplomatııalyq qarym-qatynastyń ornaǵanyna 25 jyl tolyp otyr. Osy jyly ózara saýda-sattyq kólemi úsh ese ósti. Barlyq baǵyttar boıynsha jańa birlesken kásiporyndar qurylýda, – dedi Memleket basshysy.
Qazaqstan Prezıdenti eki eldiń Eýrazııalyq ekonomıkalyq odaq aıasyndaǵy yntymaqtastyǵy nátıjeli bolyp otyrǵanyn aıtty.
– Oryn alǵan qıyndyqtarǵa qaramastan, biz alǵa jyljyp kelemiz. Qazaqstan – Reseıdiń eń senimdi ári jaqyn seriktesi. Sonymen qatar, Baıqońyr keshenine qatysty áriptestigimizdiń damyp kele jatqanyn atap ótken jón, – dedi Nursultan Nazarbaev.
Sondaı-aq, eki eldiń basshylary aldaǵy kezdesýler kestesin talqylap, óńirlik saıasattyń meılinshe ózekti máselelerine toqtaldy.
Vladımır Pýtın memleketaralyq baılanystardy damytýdyń jáne nyǵaıtýdyń basty faktory sanalatyn ekijaqty kezdesýlerdiń mańyzdylyǵy men nátıjeliligi jóninde aıtty.
