О́rt AQSh-tyń júzim alqabyn jaılaǵan. Qazirgi ýaqytta órt sóndirýshiler shtatta tabıǵı apattyń 22 iri oshaǵyn anyqtady. Málimetterge sáıkes shamamen 700 sharshy shaqyrym jer qyzyl jalynǵa oranǵan. Jergilikti bılik qutqarýshylar toby áli birqatar aýdanǵa jete almaı otyrǵanyn habarlady.
Orman órtinen Napa, Sonoma jáne Iýba okrýgterine tótenshe jaǵdaı rejimi engizildi. Jergilikti bılik muny Kalıfornııa tarıhyndaǵy eń úlken órt dep sanap otyr. Osynyń saldarynan 20 myń turǵyn baspanalaryn tastap ketýge májbúr boldy. Sonymen qatar shamamen 1500 qurylysqa zııany tıdi.
«Alapat órt kóptegen qurylysqa zııanyn tıgizdi. Áli myńǵa jýyq úı qyzyl jalynǵa oranýy múmkin. Osyǵan baılanysty myńdaǵan turǵyn qaýipsiz aımaqqa kóshirilýi qajet», dedi Kalıfornııa shtatynyń gýbernatory Djerrı Braýn.
Birer kún buryn ondaǵan jumysshy tikushaqpen evakýasııalanǵan. Napa jerindegi júzim alqaby áıgili adamdarǵa tıesili. Olardyń qatarynda akter ári mýzykant Deıv Mettıýs, kınorejısser Frensıs Ford Koppol bar. Tabıǵı apattyń saldarynan kóptegen sharap daıyndaıtyn oryndar jumystaryn toqtatýǵa májbúr boldy.
О́rttiń órshýine qatty jel, qurǵaq aýa jáne aptap ystyq sebep bolyp otyr. Málimetterge sáıkes keı tustarda jeldiń jyldamdyǵy saǵatyna 80 shaqyrymdy quraǵan.
