Baıqaýǵa aýdan, qaladan 3 kategorııa (I kategorııa – 3 jylǵa deıingi eńek ótili bar psıhologtar, II kategorııa – 3-7 aralyǵynda eńbek ótili bar psıhologtar, III kategorııa – 7 jyldan astam eńbek ótili bar psıhologtar) boıynsha 16 psıholog qatysty.
Aldymen barlyq kategorııa boıynsha baıqaýǵa qatysatyn psıhologtardyń «Men jáne meniń mamandyǵym», «Psıhologııa – bolashaqtyń mamandyǵy», «Psıholog jáne men», «Meniń kásibı ustanymym» taqyryptaryna jazǵan esse jumystary syrttaı qaralyp, baǵalandy.
3 jylǵa deıingi eńbek ótili bar psıhologtar 3 kezeń boıynsha: «О́zin-ózi tanystyrý», «Avtorlyq baǵdarlamanyń tusaýkeseri» jáne psıhologııalyq test tapsyrmalaryn oryndaýdan synǵa tússe, 3-7 jyl eńbek ótili bar psıhologtar ózinderin tanystyrýdan, psıhologııadan elektıvti kýrs baǵdarlamasy nemese túzetý-damytý avtorlyq baǵdarlamasynyń tusaýkeserin jasaýdan jáne psıhologııalyq-pedagogıkalyq jaǵdaıattardy sheshýden saıysty.7 jyldan astam eńbek ótili bar psıhologtar «Psıholog portfolıosynyń tusaýkeserin» jasap, damytý-túzetý tapsyrmalaryn oryndady, baıqaýǵa qatysýshylar arasynda sheberlik-synyptar men psıhologııalyq trenıngter ótkizdi. Sondaı-aq, «Psıhologtyń ǵajaıyp álemi» taqyrybynda monolog oqydy.
Ár kategorııa boıynsha I oryn jeńimpazdary aǵymdaǵy jylǵy 1-3 qarasha kúnderi Almaty qalasynda ótetin ótetin respýblıkalyq «Jyldyń úzdik psıhology» baıqaýyna qatysatyn bolady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
