Máńgilik Elge aınalý úshin aldymen tilimiz, dinimiz, dilimiz myqty bolýy kerek. Sondyqtan Memleket basshysynyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen tapsyrmalardy oryndaýǵa bilek sybana kirisip kettik. Sonyń biri latyn álipbıine kóshý týraly. Nursultan Ábishuly: «2025 jylǵa qaraı is qaǵazdaryn, merzimdi baspasózdi, oqýlyqtardy, bárin de latyn álipbıimen basyp shyǵara bastaýǵa tıispiz. Ol kezeń de taıap qaldy, sondyqtan biz ýaqyt uttyrmaı, bul jumysty osy bastan qolǵa alýymyz kerek. Biz osynaý aýqymdy jumysty bastaýǵa qajetti daıyndyq jumystaryna qazirden kirisemiz.
Úkimet qazaq tilin latyn álipbıine kóshirýdiń naqty kestesin jasaýy kerek. 2017 jyldyń aıaǵyna deıin ǵalymdardyń kómegimen, barsha qoǵam ókilderimen aqyldasa otyryp, qazaq álipbıiniń jańa grafıkadaǵy biryńǵaı standartty nusqasyn qabyldaý kerek. 2018 jyldan bastap jańa álipbıdi úıretetin mamandardy jáne orta mektepterge arnalǵan oqýlyqtardy daıyndaýǵa kirisýimiz qajet», dep naqty tapsyrma bergen bolatyn.
Sol sebepti tarıhymyzdy túgendep, órkenıetti órletip, álemdik arenadaǵy bedelimizdi ármen qaraı arttyrý úshin álipbı aýystyrýymyz tarıhı oqıǵa bolmaq. Sońǵy usynylǵan nusqa kóńilimnen shyqty. Eki áriptiń qosylýynsyz, dáıekshesi men noqaty da az, úırenýge de jeńil. О́zgeler de jyldam ıgerip ketetine senimdimin.
Jamal BAIMADIEVA,
«Analar keńesiniń» tóraıymy,
qalalyq máslıhat depýtaty
Almaty oblystyq
