«South Operating Company» kompanııasy Qazaqstan Respýblıkasynyń aýmaǵynda jobalaý, qurylys jáne óndirý jumystarymen aınalysady.
Taraptar Aqtaý jáne Atyraý qalalarynda qoldanystaǵy munaı-hımııa zaýyttarynda qosalqy qondyrǵylardy paıdalaný jáne olarǵa qyzmet kórsetý týraly shart jasasty.
Sheteldik kompanııa Mańǵystaý jerinde temir metaldan bolat armatýrasyn óndirý úshin táýligine 400 tonna qýattylyqty quraıtyn bolat balqytý zaýyty, temir rýdadan jasalǵan bolat blankilerdi óndirý úshin táýligine 400-500 tonna qýaty bar metallýrgııalyq zaýyt, ishki tutyný úshin bıdaıdan kúnine 400 metrlik tonna krahmal óndirý zaýyty, turmystyq jáne ónerkásiptik tutyný úshin táýligine 500 - 50 000 tekshe metrdi quraıtyn tuzsyzdandyrý qondyrǵysy, 100-200 MVt qýaty bar kún elektr stansııasy men munaı-gaz jáne basqa salalar úshin tehnologııalyq azyq-túlik jabdyǵy, úlken qurylymdardy, munaı saqtaý qoımalary men munaı-gaz ónerkásibi úshin qajetti ózge de ónerkásip ónimderin óndirýge arnalǵan bolat ónimderin óndirýge arnalǵan qondyrǵylar, sondaı-aq 100-den 200 MVt deıin gaz elektr stansııasyn salý, avtomobıl ónerkásibi úshin akkýmýlıatorlyq zaýyt salý jáne Kendirli kýrorttyq aımaǵynyń jobasy (áýejaıdyń, turǵyn alabynyń jáne týrıstik aımaqtyń qurylysy) sekildi birneshe jobalardy júzege asyrýǵa nıetti.
Kezdesý barysynda aımaq basshysy E.Toǵjanov baǵdarlamany júzege asyrýǵa jan-jaqty kómek kórsetýge eki jaqtyń da kúsh-jiger salatynyna senim bildirdi.
Gúlaıym ShYNTEMIRQYZY,
«Egemen Qazaqstan»
