"Menińshe, Nursultan Ábishuly Nazarbaevpen kezdesý ótkizý - meniń eń durys sheshimim, - deıdi Omýrbek Babanov. - Men oǵan asa qurmetpen qaraımyn. Qazaqstanda júrgizilip jatqan reformalarǵa tańdanys bildiremin, táýelsizdik jyldary kezinde osyndaı bútin eldiń negizin saldy .Men barlyǵyna Eýropaǵa barýdyń qajeti joq ekenin aıtyp, Qazaqstanǵa, ondaǵy aýyl sharýashylyǵy salasyndaǵy reformalarǵa, kásipkerlerdi qalaı qoldaıtyndatyn kórip qaıtý kerektigin aıtamyn. (...) Biz sońǵy kezdesýde - men prezıdenttikke úmitker retinde bolǵanda, sondaı-aq, osyǵan deıin birinshi vıse-premer, premer-mınıstr bolǵan kezde de biz Nursultan Ábishulymen bir ǵana nárse týraly sóılesemiz: "Biz baýyrlas halyqpyz, atalýymyz ǵana ártúrli. Biz bizdiń halyqtarymyz baýyrlas qarym-qatynas ornatýy úshin jáne Qyrǵyzstanda tek tynyshtyq, turaqtylyq bolyp, ekonomıkasy damýy úshin barlyǵyn jasaýymyz kerek". Ol únemi osy týraly aıtatyn".
Sonymen qatar, Omýrbek Babanov Qazaqstannyń Qyrǵyzstandaǵy saılaýǵa áseri týraly sózderge pikirin bildirdi.
"Nursultan Ábishulymen qandaı da bir basqa áńgime aıtylsa, ol meni kópshiliktiń aldynda qabyldamas ta edi. Qazir endi bylaı aıtylyp jatyr: "Qyrǵyzstandaǵy saılaý aldyndaǵy naýqanǵa aralasý". Nursultan Nazarbaevtyń tájirıbesi mol, meniń de tájirıbem az emes. Bulaı bolǵanda men oǵan bylaı dep aıtar edim: "Nursultan Ábishuly, muny kópshiliktiń aldyna shyǵarmaı-aq qoıýǵa bolady". Nemese ol ózi solaı aıtar edi. Mundaı máselege aralasatyndar, ony kópshilikke kórsetpeıdi", - dedi Babanov.
Eske sala keteıik, keshe, 12 qazanda Nursultan Nazarbaev keıbir BAQ-tarda jarııalanǵan Qyrǵyzstan prezıdenttigine oppozısııalyq úmitkerdi qoldaıdy degen materıaldardy jalǵan dep ataǵan bolatyn. "Munyń bári jalǵan", - degen edi Nazarbaev reseılik prezıdenttiń Sochıdegi "Bocharov rýcheı" rezıdensııasynda jýrnalısterdiń suraǵyna jaýap berip.
Aıta keteıik, Qyrǵyzstanda prezıdent saılaýy 15 qazanda ótedi. Almazbek Atambaevtyń prezıdenttik merzimi 1 jeltoqsanda aıaqtalady. Konstıtýsııa boıynsha ol przıdenttikke qaıta saılaýǵa túse almaıdy. prezıdenttik Sosıal-demokratııalyq partııasynan úmitker Sooranbaı Jeenbekovtyń negizgi qarsylasy Omýrbek Babanov.
Qyrkúıek aıynyń sońynda Qazaqstan Prezıdenti men Babanovtyń kezdesýinen keıin Qyrǵyzstan men Qazaqstan arasynda dıplomatııalyq daý shyqqan bolatyn. Resmı Bishkek Astanany "halyq saılaýyna aralasýǵa áreket jasady" dep aıyptady. Al buǵan jaýap retinde QR SIM ókilderi Nazarbaevtyń odan buryn dál osyndaı ekijaqty kezdesýdi Jeenbekovpen ótkizgenin jáne osy kezdesýde qazaqstandyq lıderdiń "Qyrǵyz Respýblıkasynyń prezıdenttigine qandaı da bir úmitkerge qoldaý bildirip sólemegenin" málimdegen.
