Astanada qazan aıynan bastap «Sergek» beınebaqylaý júıesi kamerasynyń kómegimen 3435 ákimshilik quqyq buzýshylyq anyqtaldy, dep habarlaıdy qalalyq IID baspasóz qyzmeti.
Onyń ishinde 1 myńǵa jýyǵy jol qozǵalysy erejelerin buzý faktisi, 345-i qoǵamdyq oryndarda kıiligip tıisý, 299 - qoǵamdyq oryndarda alkogoldi ishimdikter ishken, júzge jýyǵy kishigirim buzaqylyq, 1720 – basqa quqyq buzýshylyqtar.
«Aıdyń basynda beınebaqylaý kamerasynyń kómegimen «Ramstor» sýpermarketiniń mańaıyndaǵy kópirdiń arkasyna úsh jigittiń buzaqylyq áreketpen shyqpaq bolǵanyn baıqadyq. Polıseıler kámelet jasyna tolmaǵan (13 jasar) úsheýdi anyqtap, jasóspirimdermen sóılesý úshin olardy «Saryarqa» aýdandyq IIB jetkizdi. Olarmen profılaktıkalyq áńgime júrgizildi», - deıdi polısııadaǵylar.
Budan basqa, IID basqarmasynyń jedel basqarý ortalyǵynyń beınebaqylaý kamerasynyń kómegimen 24 qylmystyq quqyq buzýshylyq anyqtaldy, Onyń ishinde buzaqylyq, bótenniń múlkin urlaý, tonaý oqıǵalary tirkelgen.
