Qalada Maǵjan Jumabaev atymen atalatyn №15 mektep-gımnazııasy bar. Alashtyń qaharman azamaty, el táýelsizdigi úshin otty jyryn arnap, sol jolda qasyqtaı qanynda qıǵan ór aqynnyń asqaqtaǵan eskertkishi sol mekteptiń aldyna ornatylǵan.
Ashylý saltanatyna qala ákimi Álipbek О́serbaev men ádebıet synshysy, professor Qulbek Ergóbek, maǵjantanýshy-jazýshy Jarasbaı Súleımenov pen zań ǵylymdarynyń doktory, professor Beket Turǵaraev, Jazýshylar odaǵy tóraǵasynyń orynbasary Maraltaı Raıymbekuly jáne zııaly qaýym ókilderi qatysty.
Elimizdiń óskeleń urpaǵyn órshil rýhty óleńdermen qoltyǵynan demegen Maǵjan aqynnyń músininin avtory Qazaqstan Sýretshiler Odaǵynyń múshesi, professor Azat Baıarlın bolsa, bas demeýshisi «Ońtústik Jaryq» mekemesiniń prezıdenti Nábı Aıtjanov.
Baqtııar TAIJAN,
«Egemen Qazaqstan».
Ońtústik Qazaqstan oblysy.
