Sýret: KazFootball.kz
Aqtyq oıyn Aqtóbe qalasynda ótip, 1:0 esebimen «Qaırattyń» paıdasyna sheshildi. Oıyndaǵy jeńis golyn 70-mınýtta Jerar Goý soqty. Sóıte tura, jalǵyz goldyń avtory oıynnyń sońǵy mınýttarynda trıbýnaǵa kórsetken qylyǵy úshin oıynnan qýyldy. Bul kezde ol tyń oıynshy Chýma Anenege jol berip, oıyndy syrttan tamashalaýǵa daıyndalyp jatqan.
Bir qyzyǵy, «Qaırattyń» 36 jastaǵy jartylaı qorǵaýshysy Andreı Arshavın ulttyq kýbokty alǵash ret jeńip otyr. Reseılik «Zenıt» pen «Kýban», aǵylshynnyń «Arsenal» klýbtarynda óner kórsetken Arshavın komanda sapynda kóptegen jetistikke jetkenimen, ulttyq kýbokty eshqashan utyp kórmepti.
«Qaırat» - Qazaqstan kýbogyn osymen 8-ret ıelenip, rekordsmen bolyp otyr. О́tken jyly kýbokty «Astana» ıemdengen.
