Osy rette, Bas Múftıdiń bastamasymen Aqtóbe óńirine dinı kadr tartý jumystary júıeli qolǵa alynyp, nátıjesinde, ókil ımam Tólebı Ospannyń uıytqy bolýymen búginde barlyq Aqtóbe meshitteri ımammen tolyq qamtylyp otyr.
Sonyń ishinde, kúni keshe ǵana dinı basqarmanyń buıryǵymen Muǵaljar aýdanynyń eki birdeı meshitine jańa ımam taǵaıyndaldy. Atap aıtqanda, Juryn aýyldyq «Haırýlla» meshitine Shýkralıev Muhambetqalı jáne Muǵaljar aýyldyq meshitine Aqmýrzın Sándibek ımam bolyp bekitildi. Aqtóbede barlyǵy 66 meshit bar bolsa, búginde ondaǵy kadr tapshylyǵy máselesi túbegeıli sheshimin tapty.
Naqtyraq aıtqanda, ótken jyly oblysqa 16 dinı maman qyzmetke tartyldy. Al bıyl bul kórsetkish 24-ke kóbeıdi. Nátıjesinde, eki jyl ishinde qatarǵa 40 dinı maman qosyldy. Qazir oblys meshitterindegi barlyq dinı qyzmetkerler sany - 105. Onyń 63-i joǵary jáne orta bilimdi mamandar. Buǵan deıin mundaı sanatty dinı qyzmetkerlerdiń úlesi 45,2 paıyz ǵana bolsa, endi bul kórsetkish 60 paıyzǵa kóterildi. Sáıkesinshe, 14,8 paıyzǵa ósip otyr.
