Jalpyulttyq talqylaýdyń jarqyn nátıjesi

Eń basty daý – qazaqtyń tól dybystarynyń eki áripti bolyp kelýi. Bundaı kóńilge qonymsyz nusqa túsiniksizdik pen qolaısyzdyqqa tap qylatyny anyq edi. Bir qýanarlyǵy, Elbasy alǵashqy nusqaǵa qol qoımaı, búkilhalyqtyq tal­qy­laýdy jalǵastyrǵandyqtan, aqyry mine, el kóńilinen shyǵatyn qonymdy nusqa daıyndaldy.   

Alǵashqy nusqadaǵy halyqqa unamaǵan, qos áripti bolyp kelgen qazaqtyń tól daýysty – á, ó, ú jáne t.b. dybystar jańa nusqa­d­a tolyq sheshimin taýyp, endi olar bir árip bolatyn boldy. Áriptiń ústińgi oń jaǵyna noqat qoıylady, ıaǵnı apokrıfpen belgilenedi. Qorytyndysynda halyq kóńiline qonymdy latyn qarpindegi jańa álipbı jobasy jaryq kórdi.

Latyn álipbıine ótýdi ózi­niń Ulttyq tujyrymdamasynda 2007 jyldan beri kóterip kele jatqan «Aq jol» partııasy da latyn álipbıin talqylaǵan keleli keńester ótkizip, buǵan deıin de óz usynystaryn jibergen edi.

Bul taqy­rypqa onshaqty jyldan beri qalam tartyp kele jatqandyqtan, «Qazaq álipbıi qazaq úshin ja­ńarýy kerek» degen elden erek­she qoldaý tapqan maqa­lamda qazaq­tyń tól daýysty dybys­tary­nyń qos árippen belgilenýine – dıgraftarǵa qarsy shyǵyp, onda ózge nusqa usynǵan bolatynmyn. Sonymen «Aq jol» partııasy tóraǵasy, Májilis depýtaty Azat Perýashevtyń bastamasymen jańa jobaǵa óz usynystarymyzdy partııada talqylap, arnaıy komıssııaǵa jiberdik.

Al Elbasymyzdyń aldynda arnaıy komıssııa la­tyn álipbıiniń jańa jobasyn jarııalaǵanda biz de utymdy usy­nys­tarymyzdyń jańa nusqa­da jaqsy kórinis tapqanyn kórip, qýanyp qaldyq.

Osy usynylǵan nusqadaǵy 11 áriptiń 9 árpi jańa nusqada qabyldanypty.

Árıne latyn álipbıin daıyn­daýdaǵy arnaıy komıssııa jańa nusqanyń jekelegen áripteri­ne baı­lanysty áli de utymdy usy­nystar bolsa qaralatynyn málimdedi.

Rýhanı jańǵyrýymyzǵa temirqazyq bolyp otyrǵan la­tyn álipbıin talqylaýǵa bú­kil halyqtyń qatysqanyna, qol­­­dap jatqanyna qarap, jańa álip­bıi­mizdiń bolashaǵy aıqyn bolady dep senemiz.

Latyn álipbıin qabyldaý – Rýhanı táýelsizdik ekenin jaqsy túsinip kele jatqan eldiń senimi kóńil qýantady.

Latyn álipbıi qabyldanǵan soń memlekettiń negizgi resmı álipbıi retinde jumys isteıtin bolady. Mem­lekettik álipbı mem­leketti ń tutastyǵy úshin qyzmet etedi.

Latyn qarpin talqylaýda zor belsen­dilik kórsetken halyq endi jańa álipbıi­mizdi ómirge engizý­de de qarqyndy qaırat tany­týy tıis. Iаǵnı qolǵa alyp qana qoı­maı, qoldanýdy da bastaı berýi­miz kerek.

Jańa rýhanı jetistikke jete­leıtin jańa latyn álipbıi – jal­pyulttyq tal­qy­laýdyń jarqyn nátıjesi.

Qazybek ISA,
«Aq jol» partııasy 
tóraǵasynyń orynbasary