Jas býynǵa kitaphana aýadaı qajet

 Búgin árbir qazaqstandyqtyń aldynda ózdiginen bilim alý jáne óz bilimin jetildirý maqsaty tur jáne bul turǵydan «Rýhanı jańǵyrý» baǵdarlamasyn júzege asyrý bo­ıynsha qoıylǵan strategııalyq maqsattardy oryndaýda mańyzdy ról kitaphanalarǵa tıesili.  

Qoǵamda, sonyń ishinde balalar, jasóspirimder jáne jastar ortasynda bolyp jatqan úrdister memleket tara­pynan óskeleń urpaqqa nazar aýda­­ry­lýyn talap etedi. Barlyq ýaqyt­­ta kez kelgen qoǵamda jas býyn áleýetti, resýrstyq kúshterdiń mańyz­dy, avan­gar­dtyq bóligi bolyp keledi.
Bizdiń balalarymyzdyń bolashaǵy­nyń jarqyn bolýy, básekege qabilet­tiligi, óz boıyna adamgershilik jáne má­de­­nı salt-dástúrlerdi sińirýine baı­la­nys­ty bolatyny sózsiz. Balalyq shaq­tan bastap, otbasynda jáne kitap­­hanada qalyptasatyn bilimge de­gen ynty­zar­lyqsyz naǵyz tulǵany qalyp­tastyrý múm­kindigi bulyńǵyr. Kitap­hana­shylar­dyń túpki baǵyty – qazaqstan­dyq jáne álemdik ádebıettiń asa m­ańyzdy úlgileri­niń kómegimen bala­lar men jastardyń boıynda ıgi qasıetterdi sińirý.

 Bul úrdistiń senimdi irgetasy bolyp balalar, jasóspirimder jáne jasós­pirim-balalar kitaphanalary sana­la­tyny daýsyz. Alaıda olardyń áleý­mettik mańyzdylyǵy men áleýe­tine qara­mastan elde ádistemelik, talda­ma­lyq jáne úılestirýshi ortalyǵynyń bol­maýyna baılanysty balalarmen jáne jasóspirimdermen jumys isteıtin oryndarda kúrdeli jaǵdaı oryn alýda.

 Qazir Qazaqstanda psıhologııa­lyq-jastyq erekshelikterin eskere otyryp, balalarǵa, jasóspirimderge jáne jas­tarǵa arnalǵan jas tutynýshy­lar­dyń talaptaryna sáıkes keletin ki­tap­hanalyq-bıblıografııalyq qyz­met kórsetýdi uıymdastyrýdyń aı­ryqsha júıesin, aqparattyq resýrstar­dy qalyptastyrýdaǵy saralanǵan tásilin, ıntellektýaldy úzilisti uıym­dastyrýy bar mamandandyrylǵan kitaphanalar júıesin el kóleminde qalpyna keltirýdiń ótkir qajettiligi týyndap otyr.

 Osy máseleniń negizgi sheshimi taldamalyq, úılestirýshi, ǵylymı-zertteý, ǵylymı-ádistemelik orta­lyq­tyń, balalar ádebıetin zertteý ortalyǵynyń fýnksııalaryn júze­ge asyratyn – jasóspirim-balalar kitaphanasyn qurýda dep bilemiz. Bul kitaphana joǵaryda atalǵan fýnk­sııalardy júzege asyra otyryp, Astana qalasyndaǵy Ulttyq akademııa­lyq kitaphananyń bólimshesi retinde qurylýy múmkin.

 Osyndaı kitaphanany qurý elde aqparatqa teń jáne erkin qoljetimdilik qaǵıdasyna negizdelgen balalar men jasóspirimderge qyz­met kórsetýdiń zamanaýı úlgisin qa­lyp­tastyrýǵa múmkindik beredi. Balalar-jasóspirimder kitaphanasyn uıymdastyrý qajettiligi qoǵamy­myzdyń saıası, ekonomıkalyq, áleý­mettik jáne rýhanı ómirinde, teh­nı­kalyq oılaýdyń, aqparattyq jáne ózge de tehnologııalardyń, son­daı-aq kitaphanalardyń aldyna mem­leket jáne paıdalanýshylardyń óz­deri qoıyp otyrǵan talaptardyń damýynda bolyp jatqan ózgeristerge baı­lanysty ekendigi daýsyz. Sonymen qatar Astanadaǵy EKSPO-2017 halyqaralyq mamandandyrylǵan kórme jumysynyń aıaqtalýyna baı­lanysty, sonyń negizinde Astana qalasynda balalar men jasóspirimder kitaphanasynyń fýnksııalary men mindetterin atqaratyn «jasyl kitap­hana» qurý múmkindigin qaraýdy Úkimetke usyndyq. 

Dınar NО́KETAEVA, 
senator