О́ńirde sońǵy jyldary strıt vorkaýt jaqsy qarqyn ala bastady. Oblys ákimi Danıal Axmetovtyń bastamasymen 2016 jyldan beri birneshe qalalar men aýdandarda strıt vorkaýt alańdary ashyldy. Sodan da bolar, osy sport túrinen ótken oblystyq týrnırǵa 16 komanda qatysty. Bilek kúshin talap etetin kúrdeli saıysta 14-20 jas aralyǵyndaǵy uldar men qyzdar baqtaryn synap kórdi. Týrnır erejesine saı ár komandada eki ul, bir qyz bolýy tıis. Jalpy saıys eki kezeńnen turdy. Birinshi kezeń kúshtik jattyǵýlar boıynsha bolsa, ekinshi kezeńde qatysýshylar tehnıkalyq ádisterdi pash etti. Qatysýshylar atalmysh sporttyń 5 jattyǵý túri boıynsha básekege tústi. Atap aıtsaq, strıtlıftıng mýltıfrıt, strıtlıftıng klassık, klassık, qyzdar jáne uldar arasynda strıtlıftıng, sondaı-aq, qyzdar jáne uldar arasynda frıstaıl boıynsha ótti. Jalpy jarys qorytyndysy boıynsha О́skemen qalasynyń quramasy jalpykomandalyq esepte kósh bastady, Kýrchatov qalasynyń sportshylary 2-oryndy ıelense, Rıdder qalasynyń komandasy 3-orynǵa taban tiredi. Saıys sońynda jeńimpazdar men júldegerler alǵys hattarmen jáne qarjylaı syılyqtarmen marapattaldy. Uıymdastyrýshylardyń aıtýynsha, jarys jyl saıyn dástúrli túrde ótkizilmek.
Azamat QASYM,
«Egemen Qazaqstan»
О́SKEMEN
