Bul týraly oblys ákiminiń baspasóz qyzmeti habarlady. Aımaq basshysy Danıal Ahmetov aýdanǵa jasaǵan jumys saparynda densaýlyq saqtaý basqarmasy basshylyǵyna máseleni jan-jaqty zerdelep, arnaıy ǵımarat ázirleýdi tapsyrdy.
«Máselen, Kúrshim aýdanyndaǵy Marqakól aýyly ortalyqtan 140 shaqyrym qashyqtyqta ornalasqan. Biraq, ol jerdegi bosandyrý bólimi ne sebepti jabylǵany túsiniksiz. Qaıta ashýdy tapsyramyn. Turǵyndarǵa mundaı alys jerge qatynaý qolaısyz jáne úlgermeı qalýlary múmkin. Bul jaǵdaı ınsýlt ortalyǵyna da qatysty. Ol xalyqqa qajet. Meıli quny 500-600 mıllıon bolsyn, biz qarjy bólemiz», - dedi Danıal Axmetov.
Aımaq basshysy sondaı-aq, Zyrıan qalalyq aýrýxana negizinde ashylatyn ortalyq barlyq qajetti zamanaýı qurylǵylarmen tolyq jabdyqtalý qajettigin erekshe atap ótti.
Azamat QASYM,
«Egemen Qazaqstan»
Shyǵys Qazaqstan oblysy
