«Jyl saıyn elimizde jınalatyn astyqtyń 30 paıyzy bizdiń oblysymyzǵa tıesili. Ústimizdegi jyly óńir dıqandary 5,6 mıllıon tonnadan astam astyq jınady. Oblys agroqurylymdary astyq ósirýde ozyq tehnologııalardy, onyń ishinde tereń qopsytý ádisin qoldanýdyń arqasynda sońǵy alty jylda birinshi ret úlken kórsetkishterge qol jetkizdi. Gektar berekeligi orta eseppen 18,2 sentnerden aınaldy», dedi Aıdarbek Seıpiluly.
Jańa ónimdi qabyldaý jáne saqtaý úshin oblysta lısenzııasy bar 50 astyq qabyldaý kásiporny daıyndalǵan. Olardyń jalpy syıymdylyǵy 3,4 mıllıon tonnany quraıdy. Qalǵan 3,2 mıllıon tonna astyq agroqurylymdardyń qoımalarynda saqtalady.
A. Saparov jergilikti sharýalarǵa memleket tarapynan zor qoldaý kórsetilgenin tilge tıek etti. Aýyl sharýashylyq salasyna 44 mıllıard teńeniń demeýqarjysy kórsetilgen.
Qazirgi ýaqytta maıly daqyldardy jınaý jumysy da tolyq aıaqtaldy.
О́mir Esqalı,
«Egemen Qazaqstan»
Soltústik Qazaqstan.
