Uzaq merzimdi boljamdarǵa sáıkes, Qazaqstanda qys erte ári qarly bolady. Elimizdiń soltústik, ortalyq, shyǵys aımaqtarynda turaqty qar qarashanyń ortasynda tússe, ońtústik jáne batys aımaqtarda jeltoqsannyń ekinshi jartysynda qar jatatyn bolady.
«Qystyń yzǵaryn qarashanyń sońynda sezine bastaımyz. Ol kezde elimizdiń soltústik, ortalyq jáne shyǵys óńirlerinde aýa temperatýrasy túnde mınýs 30 gradýsqa deıin, al kúndiz -15-ke deıin tómendeıdi. Qazaqstannyń ońtústik jartysynda túnde mınýs 15-ke deıin, ol kúndiz mınýs 5 deıin sýytady», - dedi basqarma basshysy.
2018 jylǵy qańtar Azııalyq antısıklonynyń yqpalynan az qarly jáne sýyq bolady. «Aqpanda mol qar jaýyp, qatty jel men boran soǵady. Osy rette elimizdiń soltústik-batys jartysynda ýltrapolıarlyq sýyq aýa massalarynyń enýimen birqalypty aıazdy, aýa temperatýrasy klımattyq normadan 1...2°S tómen aýa-raıy kútilýde, al ońtústik-shyǵys jartysynda ońtústik sıklondardyń jıi shyǵýymen temperatýralyq fon klımattyq normaǵa jýyq bolady dep kútilýde»,-deıdi ol.
