Konferensııanyń basty maqsaty: Alash avtonomııasynyń, Alashorda úkimetiniń, «Alash» partııasynyń ıdeıalaryn jáne eldi táýelsizdik muratyna uıystyrǵan Alash arystarynyń muralaryn nasıhattaý. Azattyqty ańsaǵan, sol jolda qyzmet atqarǵan kúresker babalarymyzdyń uly muraty Qazaqstan Respýblıkasynyń Prezıdenti Nursultan Ábishuly Nazarbaevtyń tusynda júzege asqanyn, Elbasy alǵa tartqan «Rýhanı jańǵyrý» ıdeıasy jáne Alashtyń negizgi ustanymdarynyń tyǵyz sabaqtasyp ári jalǵasyp jatqanyn, memlekettiń tarıhyn kópshilikke dáripteý, patrıottyq qoǵamdy qalyptastyrý.
Konferensııa jumysynyń negizgi baǵyttary:
- 1917 jylǵy jalpy qoǵamdyq-saıası jaǵdaı;
- Alashorda kósemderiniń qyzmeti;
- Alash Renessansy jáne ulttyq rýhanı jańǵyrý.
Konferensııaǵabelgili alashtanýshylar, ǵalymdar, qalamgerler, depýtattar, memlekettik mekemelerdiń, saıası partııalardyń, mýzeı-kitaphanalardyń, úkimettik emes uıymdar men jastar qoǵamdyq birlestikteriniń, oqý oryndary men mektepterdiń jáne buqaralyq aqparat quraldarynyń jetekshileri men ókilderi, jas ǵalymdar men mamandar, oqytýshylar men stýdentter shaqyrylady.
Konferensııa jumysyna qatysýǵa nıettiler uıymdastyrýshylarmen baılanysqa shyǵa alady. Konferensııaǵa qatysty materıaldar, baıandamalar (maqala) taqyryby men mátinderi 23 qazanǵa deıin e.ensebaev@astana.kz elektrondyq poshtasyna joldaný kerek.
Baıandamany (maqala) rásimdeýge qoıylatyn talaptar:
Baıandama mátini 8 betten kóp emes, A4 formatymen, Times New Roman shrıftimen, 14 kegl kóleminde, 1 ınterval aralyǵynda, barlyq jaǵynan 20 mm qashyqtyqpen jazylýy tıis. Maqalanyń aty ortada bas árippen jazylady. Onyń astynda eki aralyqtan soń bas árippen avtor(lar)dyń aty-jóni jáne tegi, jiberýshi uıymnyń (JOO) ataýy, oblys (qala) aty oń jaqqa kýrsıvpen beriledi. Kelesi jolǵa maqala mátini jazylady. Paıdalanylǵan ádebıetter tizimi maqalanyń sońynda beriledi. Syzbalar, sýretter jáne beıneler jeke faıl túrinde usynylady. Mátindegi qosymshalar men siltemeler mátinde berilgen tártibi boıynsha tik jaqshalarǵa nómirlenedi. Derekkózderdegi dáıeksiz tártibi jáne bet nómiri boıynsha jaqshalarda beriledi (Mysaly, [3s, 15-16]). Taqyrypqa sáıkes kelmeıtin, sondaı-aq, talapqa saı emes baıandamalar qabyldanbaıdy. Konferensııa jumysyna qatysýshylardyń jol qarajaty jiberýshi uıymnyń esebinen tólenedi. Maqalany jınaqqa jarııalaý tegin.
Materıaldar qazaq, orys, aǵylshyn, túrik tilderinde qabyldanady. Qatysý úshin baıandamalardy 2017 jyldyń 23 qazanyna deıin myna mekenjaıǵa jiberýge bolady: 010000 Astana qalasy, Beıbitshilik kóshesi, 11 (625 a kabıneti), Astana qalasynyń ákimdigi, Tilderdi damytý basqarmasy.
