Qalamyzdyń úsh aýdanynda turǵyn úı keshenderiniń aýlalaryn abattandyrý júrýde. «Biz Qobylandy7-degi sport alańyn aıaqtap qaldyq, ol jerde úlken fýtbol alańy bolady. Al, tazalyq jáne jylytý maýsymy boıynsha jumystar oıdaǵydaı», - dep aıtty «Almaty» aýdany ákiminiń orynbasary Talǵat Tleýov.
«Esil» aýdanynda da abattandyrý jumystary josparǵa sáıkes júrgizilýde. Qazirgi tańda «Qulager 1», «Qulager 2», «Qulan», «Saýran» turǵyn úı keshenderi men «Trıýmfalnyı» saıabaǵy abattandyrylǵan. «Biz 270 kólikke arnalǵan avtoturaq ornyn jáne aýlaaralyq joldardy aıaqtadyq, onyń ishinde 23-i daıyn, qalǵanyn keler jyly aıaqtaımyz», - dedi «Esil» aýdanynyń ákimi.
Osy kúni «Saryarqa» aýdanynda 195 aýla abattandyrylǵan jáne 60-ynda asfalt tóselgen. «Bul baǵytta jumystar jalǵasýda, kún raıy qolaıly bolsa jumys júre beredi. Jyl basynan beri 75 úıge 114 jaryq ornattyq, aldaǵy ýaqytta 244 úıdi qamtyp, jyl sońyna deıin aıaqtaý josparda bar», - dep aıtty «Saryarqa» aýdany ákimi. Jalpy alǵanda qalany abattandyrý jumystary josparǵa saı júrýde. Qala ákimi aýdan ákimderine qurylysy bitpegen kósheler men joldardy qar túskenshe aıaqtaýdy tapsyrdy.
