Qazaq halqyna tán jekelegen daýysty jáne keıbir daýyssyz dybystardy, mysaly «á», «ó», «ú», «ǵ», «j», «ch» men «sh»-ny qosarlap berýde aıtatyn ýájderdiń az emestigi baıqaldy. Shynynda da, dıgraftardyń mátindi shamadan tys uzartatyndyǵy, keı sózderdiń oqylýda jańsaqtyqqa uryndyratyndyǵy oılandyrmaı qoımaıdy. Ekiudaı pikirlerge Elbasymyzǵa jumys toby usynǵan latyn álipbıiniń ekinshi nusqasy núkte qoıdy dese de bolady. Bul jolǵy dybystardyń tańbalanýy kókeıge qonymdy ári jeńil oqylatynyn atap aıtqan jón. Sebebi joǵaryda keltirgen dybystarymyz bir tańbamen ǵana belgilengen. Olarǵa fransýz álipbıindegideı jumsaqtyq belgisi, ıaǵnı «útir» qoıylǵan. Bárinen buryn bul nusqada latyn álipbıiniń 24 tańbasy saqtalǵan. Jobany iske asyrý barysynda álemdik tájirıbeniń eskerilgeni óte oryndy. Prezıdent óz sózinde jańa álipbıge kóshý qazaq tilin meńgerýdi ońaılatatynyn, mundaı kúrdeli úderis álemdik aqparattyq keńistikke shyǵýda mańyzdy ról atqaratynyn atap kórsetti.
Bizdińshe, bul saladaǵy aqparattyq-túsindirý jumystaryn bir sát te báseńdetpeý kerek. Máselen, áleýmettik jelilerde: «Alfavıtten jińishkelik () jáne qatańdyq () belgileri, sol sııaqty kirme sózderde kezdesetin S,Sh,E,Iý,Iа dybystary alynyp tastalǵan, aıý, selofan, eskalator nemese Álııa, Nııaz sózderin qalaı jazamyz?» degen sııaqty alańdaýshylyqtarǵa ǵalymdarymyz, tiltanýshylarymyz dáıekti jaýap berse degen tilegimiz bar. Eń bastysy, birizdiliktiń saqtalatyny qýantady. Jurtshylyqtyń óz oılarymen bólisip, usynystar jasaýy ózekti máselege beıjaı qaraı almaıtynyn tanytty.
Jańa nusqanyń tanystyrylýy kezinde N. Nazarbaev elimiz úshin asa mańyzdy másele jalpyhalyqtyq talqylaýǵa usynylǵanyn, «jeti ret ólshep, bir ret pishiletindigin», qazirdiń ózinde 300-den astam usynys túskendigin qadap aıtyp, odan ári jetildirý jóninde birqatar tapsyrmalar berdi.
Qalaı bolǵanda da, órkenıettiń kóshinen qalmas úshin barlyǵymyzǵa tıimdi latyn álipbıiniń qajettigi aıdan anyq.
Nursaıyn ShÁRIP,
aqparat salasynyń úzdigi
Soltústik Qazaqstan oblysy
