Energetıka mınıstri Qanat Bozymbaev, ulttyq ekonomıka vıse-mınıstri Serik Jumanǵarın, «QTJ» UK» AQ basqarma tóraǵasy Qanat Alpysbaev, Qaraǵandy oblysynyń ákimi Erlan Qoshanov jáne Astana ákimi Áset Isekeshev JJM men kómirdiń ishki naryǵyndaǵy aǵymdaǵy jaǵdaı týraly baıandady.
QR Premer-Mınıstri Baqytjan Saǵyntaev ishki naryqty munaı ónimderimen jáne kómirmen qamtamasyz etý máseleleri Memleket basshysynyń jeke baqylaýynda ekenin atap ótti. Jaýapty memlekettik organdarǵa otyn tapshylyǵyna jol bermeý boıynsha tapsyrmalar berildi jáne olarǵa turaqty monıtorıng júrgiziledi.
Tabıǵı monopolııalar salasyndaǵy baqylaýshy organdarǵa baǵa kelisimderin anyqtaý boıynsha jumysty jalǵastyrý tapsyryldy.
Ishki naryqta JJM men kómirdiń bar bolýy boıynsha máselelerdi úılestirý QR Premer-Mınıstriniń Birinshi orynbasary Asqar Mamınge júkteldi.
