«Jobanyń basty maqsaty – Prezıdent Nursultan Nazarbaevtyń «Bolashaqqa baǵdar: rýhanı jańǵyrý» maqalasynda aıqyndalǵan mindetterdi júzege asyrý», dedi Qumar Irgebaıuly. Ol ulttyq qundylyqtardy jandandyrý baǵytyndaǵy maqalanyń ózektiligin atap kórsetti. Bul oraıda stýdent-jastardyń boıyna týǵan jerge degen súıispenshilikti darytý asa mańyzdy is.
«Rýhanı jańǵyrý» jobalaý keńsesiniń jetekshisi, tarıh ǵylymdarynyń doktory Aqmaral Ibraevanyń aıtýynsha, ortalyq «Atameken», «Aqparat tolqyny», «Tárbıe jáne bilim» men «Rýhanı qazyna» sııaqty tórt baǵyttan turady. Bul salalar boıynsha aqparattyq-nasıhat jumystary jan-jaqty júrgiziletin bolady. Olardyń ishinde «dóńgelek ústel», konferensııa, forým ótkizý, zertteý ekspedısııalaryn, sondaı-aq, fleshmobtar men aýqymdy aksııalar uıymdastyrý belgilengen. Keńseniń qyzmetkerleri áleýmettik jelilerdi de keńinen paıdalanatyn bolady.
О́ńirimizde «Rýhanı qazyna» baǵyty boıynsha 23 joba júzege asyrylýda. «Týǵan jer», «Qazaqstannyń kıeli jerleri» jáne «Qasıetti Qazaqstan» syndy aýqymdy baǵdarlamalar turǵyndar arasynda tarıh, salt-dástúr jáne mádenıetke degen qyzyǵýshylyqty oıatýdy ditteıdi. «Atameken» jobasy azamattardy, úkimettik emes uıymdardy, eriktiler, mesenattar, kásipkerler men memlekettik organdardy jergilikti turǵyndardyń máselelerin sheshýge yntalandyrýdy kózdeıdi.
О́ńir basshysy «Atameken» jobasy aıasynda óńirden shyqqan tanymal azamattardy mesenat retinde qaıyrymdylyq sharalaryna tartý qajettiligine nazar aýdarýdy tapsyrdy.
О́mir ESQALI,
«Egemen Qazaqstan»
