«Keshe saǵat 16:00 shamasynda Astana IID jedel basqarý ortalyǵynyń pýltine, Tlendıev 36 kóshesindegi onynshy qabattan tómenge qarap qulap ketkeli turǵan bala jylap tur, degen habar kelip túsedi. Biz oqıǵa bolǵan jerge kelip, «Ulytaý» PIK ınjenerlerimen jolyǵady. Bárimiz birge 10-shy qabatqa qaraı júgirdik. Dál sol kúni elektrdi josparly sóndirýge baılanysty lıft jumys istemeı tur eken. Esik arqyly biz balamen sóılesip, balkonnan ishke kir dep aıttyq. Onymen sóılesip, tynyshtandyrdyq. Áńgime barysynda ol bizge atynyń Ánýar ekenin aıtty», - deıdi Maksım Vershının.
Biraz ýaqyttan keıin balanyń ata-anasy senip «qaraı tur» dep tapsyryp ketken týysqany keldi. Ol balanyń kishkentaı qaryndasyn alyp, dúkenge shyǵyp ketipti. Sol ýaqytta bala oıanyp ketip, balkonǵa shyǵyp aıqaılap jylaǵan ári ashyq turǵan terezeden túsip kete jazdaǵan.
«Úıdiń turǵyndary atynan TJM men jedel járdem qyzmetinen buryn kelip jetken polıseılerge alǵysymyzdy bildirgimiz keledi. Olardyń kásibı áreketiniń arqasynda qaıǵyly oqıǵanyń aldyn aldy», - deıdi «Ulytaý» PIK ınjeneri Raýshan Qarbaev.
Polıseıler ata-analarmen bolǵan oqıǵa týraly profılaktıkalyq áńgime júrgizip, kishkentaı balany qaraýsyz qaldyrýǵa bolmaıtynyn, sondaı-aq, terezelerdi arnaıy qorǵaıtyn bekitkishpen qamtamasyz etýlerin eskertti.
