«Sońǵy kezdegi oryn alǵan janar-jaǵar maıdyń bizdiń oblysymyzǵa da óz áserin tıgizdi. Benzınniń keıbir markalarynyń jetispeýshiligi janarmaı satý beketterinde oryn aldy. Árıne ol avtomobılge jaǵatyn gazǵa degen suranysty kúrt kóbeıtip jiberdi. Sebebi, benzın men gazdy qatar paıdalanatyn avtokólikter tek gazdy ǵana paıdalana bastady. Sonymen qatar, «QazMunaıgaz ónimderi» mekemesi kógildir otynnyń baǵasyn 5 teńgege arzan satýy atalǵan maıquıý beketterinde kezekke turǵan kólikterdiń kóbeıýine ákeldi. Qazirgi kúni másele týyndamas úshin barlyq sharalar qolǵa alynyp, baqylaý kúsheıtildi. Oblys ákiminiń tapsyrmasymen shuǵyl jumysshy toby qurylyp, qajetti mólsherde gaz jetkizildi. Gaz naryǵyn qatań baqylaýda ustap, bolashaqta gaz tapshylyǵyn boldyrmaý maqsatynda tıisti oryndarǵa tapsyrmalar berilgen. Sonymen birge, barlyq gaz satý stansııalaryndaǵy baǵanyń birdeı bolýy kelisildi. Búginde oblys boıynsha barlyǵy 211 gaz quıý stansııasy bar. Onyń 15-i QazMunaıGaz ónimderi. Stansııalardyń 47-Aqtaý, 47-Jańaózen, 60-Munaıly aýdany, 14-Túpqaraǵan aýdany, 10-Qaraqııa aýdany, 27-Mańǵystaý aýdany, 6-Beıneý aýdanynda. Sońǵy málimetter boıynsha oblysta 86 464 avtokólik (70%) gazben júredi», – dedi B.Júsipov.
Sonymen qatar, Bekmurat Júsipov aýyl sharýashylyǵy salasyna da keńinen toqtaldy. 2017 jyldyń 9 aıynda aýyl sharýashylyǵynyń jalpy ónim kólemi 8924,2 mln. teńge, onyń ishinde egin sharýashylyǵynda 1866,1 mln. teńge, mal sharýashylyǵynda 7040,9 mln. teńge boldy. Aǵymdaǵy jyldyń 1 jarty jyldyǵynda 6406,6 tonna - et, 5193,3 tonna - sút, 3462,5 myń dana - jumyrtqa, 10500 tonna - un óndirildi dep málimdedi oblys ákiminiń orynbasary.
Mal sharýashylyǵy boıynsha ósim baıqalǵan. Máselen, iri qara mal – 17671 (17,6 %), qoı-eshki – 394253 (10,4 %-ǵa), jylqy – 6838 (13,5%), túıe – 56667 (12,3%) artqan. Qus – 28949 bas, (2,1%) ósken.
Mańǵystaý oblysynda egin alqaby 2017 jyly 1100 ga. boldy. Onyń ishinde: jylyjaılar keshenderindegi egis alqaby - 20,0 ga., ashyq topyraqtaǵy egis alqaby - 1080 ga. 2016 jyly 10942,8 tonna kókónis jáne baqshalyq ónimder óndirildi. Bıylǵy jyly 11500 tonna mejelenip otyr.
Jaıylymdy sýlandyrý boıynsha 30 qudyq qazý josparlanǵan. Búgingi tańda 25 qazyldy. Oǵan 126 mln. teńge sýbsıdııa bólindi. Jalpy, mal ónimdiligin arttyrý boıynsha sýbsıdııa 80 mln. teńge, ınvestısııalyq sýbsıdııa 260 mln. teńge qarastyrylǵan. Oblys boıynsha aýyl sharýashylyq maldaryn ósirý jáne ónimin ótkizý boıynsha 13 kooperatıv qurylǵan. Aýyl sharýashylyq baǵytynda 12 joba iske asyrý josparlanǵan. Investısııa kólemi 8 mlrd. 358 – jańa jumys orny ashylmaq.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
