Onyń aıtýynsha, dıplomatııalyq qatynastar ornaǵan 25 jylda bizdiń elderimiz arasyndaǵy barlyq saladaǵy, ásirese, saıası jáne saýda-ekonomıkadaǵy yntymaqtastyq is júzinde damı tústi. Sonymen birge, eki eldiń múmkindikteri men múddelerine saı keletin yntymaqtastyqty óristetý jónindegi aýqymdy jumystar atqarylatyn bolady.
Ekijaqty ózara is-qımyl týraly aıta kelip Q. Toqaev Qazaqstanda halyqaralyq logıstıkalyq hab qurýǵa baǵyttalǵan transqurlyqtyq ınfraqurylym jobalarynyń iske asýyna baılanysty vetnam bıznesi úshin ashylatyn múmkindikterge toqtaldy. Senat Tóraǵasy EAEO men Vetnam arasyndaǵy erkin saýda týraly kelisimdi iske asyrý turǵysynda bizdiń elderimiz arasyndaǵy taýar aınalymyn odan ári ulǵaıtýdyń keleshegi zor ekenin atap ótti.
Astanada ótetin Álemdik jáne dástúrli dinder lıderleriniń Sezin shaqyrý jónindegi Qazaqstannyń tájirıbesi jáne onda dinı jáne saıası qaıratkerler qazirgi zamandaǵy asa mańyzdy máselelerdi talqylaıtyny týraly Senat Tóraǵasynyń aqparaty meımandardyń zor yqylasyn týǵyzdy. Vetnam delegasııasy basshysynyń pikirinshe, bul forým ultaralyq jáne dinaralyq beıbitshilik jáne kelisim jónindegi Qazaqstan basshylyǵynyń jemisti saıasatynyń jarqyn kórinisi bolyp tabylady.
Taraptar eki el arasyndaǵy saýda, ózara gýmanıtarlyq is-qımyl, mádenı jáne týrıstik saparlar máselelerin talqylady.
