Ortalyq ǵylymı kitaphananyń 85 jyldyǵyna oraı uıymdastyrylyp otyrǵan jıynnyń basty taqyryby – qazirgi jahandyq tehnologııalyq úrdister ýaqytynda ǵylymı kitaphanalardyń zaman kóshinen qalyp qalmaı, jınaqtalǵan qordy oqyrmanǵa jetkizý, halyq ıgiligine jarata bilý syndy mańyzdy mindetterin júzege asyrý máselesi.
Ortalyq ǵylymı kitaphana meńgerýshisi Qarlyǵash Qaımaqbaeva: «Kitaphanada jınaqtalǵan qordy oqyrmanǵa jetkizýdiń, ıgilikke jaratýdyń mańyzy zor. Oqyrmanǵa zaman talabyna saı qyzmet kórsetý úshin biz qashanda barlyq múmkindikti qarastyryp, barynsha paıdalanýǵa umtylyp kelemiz. Qazirgi tehnologııalar damyǵan zamanda kitap qorynyń elektrondyq katalogy, qujattardy sandyq qalypqa túsirý, oqyrmandarǵa qujattardan kóshirme, skaner jasaý, túngi abonement jumysy tárizdi ıgilikti isterdiń bári de oqyrmanǵa sapaly ári jyldam qyzmet etýge baǵyttalyp otyr», – dep atap ótti.
Elimizdegi birqatar joǵary oqý oryndary kitaphanalarynyń basshylarymen qatar, avtomattandyrylǵan kitaphanalyq júıeniń negizin qalaǵan ekonomıka ǵylymdarynyń kandıdaty V.Grıbov, halyqaralyq aqparat akademııasynyń ókili L.Levova, pedagogıkalyq ǵylymdardyń kandıdaty, RǴA MKǴTK ǵylymı qyzmetkeri D.Sýkerblat, Túrkııanyń Jýmhýrıet ýnıversıtetiniń professory Bılal Iýjel syndy alys-jaqyn shetelderden kelgen arnaıy mamandar qatysyp otyrǵan konferensııa barysynda sondaı-aq, álemdegi áleýmettik ınstıtýttar múmkindigin kórsetýdegi kitaphana róli, bıblıografııalyq qyzmet kórsetýde aqparat berýdiń jańa úlgilerin engizý, jańa aqparattyq tehnologııalyq kelisimderge qol jetkizý mańyzdylyǵyna qatysty utymdy usynystar men oı-pikirler ortaǵa salynbaq.
Mıra BAIBEK,
«Egemen Qazaqstan»
