Qurmetti aýyl eńbekkerleri!
Astyq jınaý – dıqandar úshin ǵana emes, búkil elimiz úshin aıtýly naýqannyń biri. Egin orý nátıjeleri memlekettegi azyq-túlik qaýipsizdigi deńgeıin jáne qoǵamdaǵy áleýmettik-ekonomıkalyq turaqtylyqty aıqyndaıdy. Sizderdiń mańdaı terlerińizdiń arqasynda Qazaqstan óziniń jetekshi astyq derjavasy ekenin taǵy da dáleldedi.
21 mıllıon tonnadan asa astyq jınaldy. Sonyń úshten ekisinen astamy álemdik standarttarǵa saı keletin joǵary sapaly ónimge jatady. Maıly daqyldar egiletin egistik alqaby aıtarlyqtaı kóbeıdi. Jalpy, astyq jınaý naýqanynyń qorytyndysy elimizdiń agroónerkásip kesheniniń áleýeti zor ekenin kórsetip otyr.
Búginde memleket aýyl sharýashylyǵy salasyn júıeli túrde jetildirýge jáne ártaraptandyrýǵa baǵyttalǵan saıasat júrgizýde. Ony ári qaraı ilgeriletýdiń mańyzdy sharty – qaıta óńdelgen ónim shyǵarýǵa kóshý. Qazaqstan álemdegi eksporttyq aýyl sharýashylyǵy ónimderin shyǵaratyn iri eldiń biri bolýǵa tıis.
Biz halqymyzdyń ál-aýqatyn jaqsartý jolyndaǵy aýyl eńbekkerleriniń eńbegin joǵary baǵalaımyz. Sizderdi egin orý naýqanynyń tabysty aıaqtalýymen quttyqtaımyn! Barshańyzǵa zor densaýlyq jáne Otanymyzdy odan ári órkendetý jolynda tolaǵaı tabys tileımin!
