Qazaqstan • 18 Qazan, 2017

Qyrǵyzstandyq kólikter jıi tártip buzady

260 ret

kórsetildi

1 mın

oqý úshin

Qazaqstannyń memlekettik shekarasynda kúsheıtilgen josparly kedendik, transporttyq, fıtosanıtarlyq jáne veterınarlyq baqylaý júrgizilip jatyr. Osyǵan sáıkes, 10-17 qazan aralyǵynda qyrǵyzstandyq tasymaldaýshylardyń 835 kóligi tekserilip, ár segiz kóliktiń bireýiniń elimizdiń kólik zańdaryn buzǵany anyqtaldy. Nátıjesinde, 5 mıllıon 644 myń teńge kóleminde ákimshilik aıyppul salyndy.

Egemen Qazaqstan

Qyrǵyzstandyq kólikter jıi tártip buzady

Sonymen qatar bıyl Qazaqstan shekaralarynda 60 myńǵa jýyq sheteldik avtokólik tekserýden ótti. Sonyń 2,5 myńy quqyqtyq talaptarǵa saı kelgen joq. Osy zań buzýshylardyń jartysyna jýyǵy Qyrǵyzstannan keletin kólikterge tıesili. Keıingi kezde kórshi elden keletin kólikterdiń quqyq buzýshylyǵy 60 paıyzǵa kóbeıdi. Olar úsh túrli jaǵdaıda zań buzady.

Birinshiden, qyrǵyzstandyq tasymaldaýshylar Qazaqstannyń ishki qalalarynda taýar men ónim tasymaldap, sonyń aqysyn alyp júr. Mundaı qyzmetti otandyq tasymaldaýshylar jasaýy tıis bolatyn. Ekinshiden, Qazaqstan aýmaǵynan taýar tasý úshin sheteldikterge arnaıy ruqsat kerek. Al qyrǵyzstandyq tasymaldaýshylardyń kóbinde ondaı qujat joq. Úshinshiden, kórshi elden keletin kólik júrgizýshileri salmaq shekteýin jıi buzyp, artyq júk alyp ótýge tyrysady.

Qýanysh ERMUHANOV,
Investısııalar jáne damý mınıstrligi kólik komıtetiniń ahýaldyq ortalyǵy basshysynyń mindetin atqarýshy