Sondyqtan bul eldiń taýarlaryna sanıtarlyq tekserýdi kúsheıtken jón. Áıtpese, kórshi elden ákelingen zııankester elimizdegi ónimderge qaýip tóndiredi. О́z kezeginde Qazaqstanǵa bul jaǵdaı ekonomıkalyq turǵydan zııanyn tıgizetini belgili.
Kúsheıtilgen fıtosanıtarlyq baqylaýda 127 júk kóligi tekserilip, 20 kóliktik buzýshylyq belgili boldy. Qaıtarylǵan jalpy ónimniń kólemi – 202 tonna. Úsh ret karantınge qoıylǵan zııandy jándikteri bar taýarlar tirkeldi. Máselen, 16 qazanda Jambyl oblysyndaǵy Qarasý baqylaý beketinde Volvo 6884 avtokóligine tıelgen 20,6 tonna júkten (qurma, anar, júzim) «Komstok» qurttary tabyldy.
Dál osy kúni Qordaıda Mercedes avtokóligi áketip bara jatqan 2,9 tonna almada «Shyǵys jemis jegishi» dep atalatyn zııankes bar ekeni anyqtaldy. Qordaıdaǵy Barys bólimshesinde tekserilgen 3 tonna júzimnen aýrý jemis shybyny shyqty. Tárkilengen taýardyń bári Qyrǵyzstanǵa qaıtaryldy. Qyrǵyzstan tarapynan Qazaqstannyń fıtosanıtarlyq talaptarǵa saı kelmeıtin jaǵdaılar birneshe ret tirkelse, ol jaqtan keletin ónimderge shekteý qoıýǵa týra keledi.
Baýyrjan QALIEV,
Aýyl sharýashylyǵy mınıstrligi Respýblıkalyq ósimdikter karantıni ortalyǵy basshysynyń orynbasary
