Shyǵarmanyń avtory – qyrǵyz aqyny Shyńǵys Aıtmatov, qoıýshy – tájik rejısseri Barzý Abdýrazzakov, al qoıylymdy astanalyq M.Gorkıı atyndaǵy orys drama teatrynyń akterleri oryndaıdy. Spektakl naǵyz sınergııany qamtamasyz etip, Ortalyq Azııa halyqtarynyń teatr óneriniń damý deńgeıin kórsetti. Qoıylym barysynda serb jáne aǵylshyn tilderinde sýbtıtrler jazyldy.
«Mankýrt. Vechnyı rab» spektakliniń kórsetiliminiń aldynda Qazaqstan, Astana jáne kópshiliktiń qyzyǵýshylyǵyn oıatqan teatrǵa arnalǵan kórme uıymdastyryldy. Ulttyq mýzyka men jas elordamyz jaıly án-kúıler hollda erekshe atmosfera ornatyp, jınalǵan qaýymdy qazaq halqynyń mádenıetimen etene tanystyrdy. Shara kezinde teatrdyń tarıhy týraly aıtylyp, Aqmola qalasynyń sırek kezdesetin alǵashqy sýretteri men qazirgi Astananyń kórinisteri kórsetildi.
«Mankýrt. Vechnyı rab» shyǵarmasy serbııalyq kórermenniń júregin jaýlap, festıvaldi uıymdastyrýshylar men kelýshiler tarapynan oń pikirler aıtyldy.
Aıta keteıik, serbııalyq tarap elordalyq teatrdyń festıvalge qatysýyna baǵa jetpes kómek kórsetti, olar spektaklge qajetti dekorasııalardy ázirledi.
- Gorkıı atyndaǵy teatrdyń Serbııaǵa kelýin taǵatsyz kúttik. Baǵdarlamada usynylǵan spektakl festıvaldi uıymdastyrýshylardyń qyzyǵýshylyǵyn oıatty. Qazirgi zamanǵy teatr óz halqynyń ǵana emes, sonymen qatar álemdik dramatýrgııanyń da mádenı jetistikterin pash etedi. Al teatrlardyń damýy men yntymaqtastyǵy – bul memleketterdiń ózara yntymaqtastyǵynyń nátıjesi, - dedi «Synergy #wtf» festıvaliniń dırektory Valentıl Vensel.
Eske salaıyq, ótken jyly Serbııaǵa sapary barysynda Memleket basshysy Nursultan Nazarbaev Belgrad qalasynda qazaq aqyny Jambyl Jabaevqa arnalǵan eskertkishtiń ashylýynda ekijaqty mádenı jáne gýmanıtarlyq baılanysty nyǵaıtý jóninde aıtqan bolatyn.
Festıval bir aptaǵa jalǵasty, oǵan Vengrııa, Rýmynııa, Makedonııa, Qazaqstan jáne Serbııa memleketterinen teatr ujymdary qatysty. Shara aıasynda teatraldar sımpozıýmdar ótkizip, tájirıbe almasty, aldaǵy teatr maýsymyna arnalǵan josparlarymen bólisti.
«Synergy» festıvaliniń sońynda qatysýshylar bir-birine syılyqtar tabystap, Qazaqstandaǵy eski teatrlardyń biri – M.Gorkıı atyndaǵy MAODT saparmen kelý týraly nıetterin jetkizdi.
