Forým aýyl jastaryn ómirlik belsendilikke, ózin rýhanı jáne kásiptik turǵydan ushtaýǵa, ol úshin bilimin kóterýge, aýylda óziniń biliktiligin júzege asyrýǵa baǵyttaýdy, eń bastysy jastardyń týǵan jerge, Otanǵa degen patrıottyq sezimin tárbıeleýdi maqsat etti.
Forýmda jastar kásipkerlik, volonterlyq jáne rýhanı jańǵyrý taqyryptary boıynsha seksııalarǵa bólinip, jumys istedi. Onda oblysqa belgili kásipkerler aýyl jastaryna óz isin qalaı ashý, qalaı damytý týraly, rýhanı jańǵyrý boıynsha ýnıversıtet oqytýshylary áńgimeledi, jastardyń saýaldaryna jaýap berdi. Forým aıasynda Sarykól agrobıznes jáne quqyq kolledjiniń jetistikteri, aýyl sharýashylyǵy ónimderi týraly jáne Qostanaı oblysyndaǵy Qazaqstannyń Eńbek Erlerine arnalǵan kórmeler uıymdastyryldy. Sonymen qatar forýmda aýyl jastarynyń úzdik ókilderi marapattaldy, án men kúıge de oryn berildi.
Názıra Járimbet
«Egemen Qazaqstan»
Qostanaı oblysy, Sarykól aýdany
