«Endigi qadam aýmaqty mınadan tazartý bolmaq», dedi ol. Qalany bosatý men úsh jyldyq basqynshylyqtyń aıaqtalǵany jónindegi resmı málimdeme taıaý arada jarııalanbaq. SDF kúshteri osy seısenbi qala stadıony men ulttyq gospıtaldi IM jaýyngerlerinen azat etken bolatyn. Reıter agenttiginiń habarlaýynsha, ulttyq qorǵanys kúshteri men kúrd jasaqtary, Sırııanyń demokratııalyq kúshteriniń ókilderi ózderiniń jalaýlaryn stadıonǵa tigip, kóshede merekelegen.
15 myńǵa jýyq alıans sarbazy AQSh avıasııa jáne arnaıy jasaq járdemimen, sondaı-aq olardyń odaqtastarymen birigip Rakkany bosatýǵa byltyr qarasha aıynda kirisken bolatyn.
Sırııada altynshy jylǵa jalǵasyp jatqan qarýly janjaldan jarty mıllıonǵa jýyq adam qaza taýyp, mıllıondaǵan turǵyn úı-jaıyn tastap, bassaýǵalap ketýge májbúr bolǵan.
