Munaıshylar qalasyna jumys sapary aıasynda E.Toǵjanov Jańaózen qalasynyń kásipkerlerdi qarjylandyrý baǵdarlamasymen tanysty. Baǵdarlamanyń maqsaty - ekonomıkanyń basym baǵyttaryndaǵy jobalarǵa jeńildetilgen nesıe berý jolymen, Jańaózen qalasynda shaǵyn jáne orta bıznesti damytýǵa kómektesý. Baǵdarlamany qarjylandyrý «Damý» Qorynyń jáne «О́zenmunaıgaz» AQ jer qoınaýyn paıdalaný kelisim-sharty aıasynda jergilikti atqarýshy organǵa beretin qarajattary esebinen júzege asyrylatyn bolady. Qarjylandyrý kólemi: baǵdarlama boıynsha qarjylandyrýdyń jalpy somasy - 600 mln tenge, onyń ishinde: «О́zenmunaıgaz» AQ-nyń qarysy 200 mln. teńge, «Damý» Qorynyń qarjysy - 400 mln teńge. Sýbsıdııalaý boıynsha «Jol boıyndaǵy servıs qurylysy» jobasy. Nesıe somasy – 60 000 000 teńge. Syıaqy mólsherlemesi - 11%. 3 jylǵa = 10 715 000 teńge. Sýbsıdııa kólemi – 10%. 3 jylǵa = 9 741 000 teńge. Kásipkerdiń paıyzdyq shyǵyndary - 1%. 3 jylǵa = 974 000 teńgeni quraǵan.
Conymen qatar, oblys ákimi «Jetibaı-Jańaózen-Kendirli-Túrkmenstan shekarasy» avtomobıl jolynyń 155-210 shaqyrymyndaǵy ýchaskesiniń ortasha jóndeý jumysymen tanysty. Bas merdiger - «Nurjol Invest» JShS. Jumystyń jalpy quny - 652 mıllıon 960 myń teńge. 2017 jyldyń mamyr aıynda bastalǵan joldy bıylǵy qazan aıynyń sońyna deıin bitirý kózdelgen. Búgingi kúni jaryqshaqtardy toltyrý, asfaltbetondy bir qabatty jabýdy jóndeý jumystary km.155-170 (15 km) km193-210 (17 km) aıaqtaldy. Júrgizilgen jumystardyń jalpy sommasy 328 mln teńge.
Jumys sapary aıasynda óńir basshysy «Rahat», «Raýan», «Araı» shaǵyn aýdandarynda salynyp jatqan mektepterdiń qurylysymen tanysty. Mektepterdiń árqaısysy 900 oryndyq. Bilim ordalarynyń qurylysy osy jyldyń shilde aıynda bastalǵan. Árbir mekteptiń jalpy aýdany - 14,370 m². Úsh qabatty mektepterdiń qurylysy kelesi jyly jaz aılarynda aıaqtalýy tıis.
Oblys ákimi bastaǵan bir top delegasııa «Kaspıı» zııatkerlik mektep-baqshasy jumysymen tanysyp, oqytýshylarymen tildesti. «Samal» shaǵyn aýdanynda ornalasqan ǵımarattyń jalpy aýdany - 2940 m². Mektep-balabaqsha bıyl 1-shi qyrkúıekte jumysyn bastady. Syıymdylyǵy - 150 oqýshy. Qazir munda 147 oqýshy bilim alýda. Qazaq tilinde bilim beretin oqý orynda 15 joǵary bilimdi muǵalim jumys isteıdi. Odan soń óńir basshysy Mańǵystaý oblysy bilim basqarmasynyń «Ońaltý ortalyǵy» memlekettik mekemesine bardy.
«Araı» shaǵynaýdanynda ornalasqan mekemeniń syıymdylyǵy-320 oryndyq. Qyzmetker sany-86. Mekemeniń materıaldyq-tehnıkalyq bazasy túzetý kabınetteri (psıholog, logoped, defektolog, áleýmettik, EDSh zaly, sensorlyq bólme), 16 top, akt zaly, 2 medısınalyq kabınet, 1 ashanamen tolyqqan. Ortalyq mindeti sóıleý tilinde, kórý, estý, tirek-qozǵalys apparatynda buzylýy, oqyp-úırený, qarym-qatynas jasaý men júris turysynda qıyndyqtary bar balalar men jasóspirimderge psıhologııalyq-pedagogıkalyq túzeý men ońaltý túrinde keshendi psıhologııalyq-medısınalyq-pedagogıkalyq kómek kórsetý.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
