Astanaǵa keshke taman Qyrǵyz Respýblıkasynyń Premer-Mınıstri Sapar Isakov bastaǵan úlken ókildik delegasııa keldi. Qyrǵyz delegasııasynyń quramynda birinshi vıse-Premer-Mınıstr T. Abdyǵulov, syrtqy ister mınıstri E. Abdyldaev, qarjy mınıstri A. Qasymálıev, ekonomıka mınıstri A. Novıkov, memlekettik keden qyzmetiniń tóraǵasy A. Sýlaımanov, memlekettik salyq qyzmetiniń tóraǵasy O. Abdykaımov, ekonomıkalyq qylmystarmen kúres jónindegi memlekettik qyzmet tóraǵasy Z. Osmonov, memlekettik kóshi-qon qyzmetiniń tóraǵasy M. Aıdaralıev, memlekettik shekara qyzmeti tóraǵasynyń orynbasary K. Isakov jáne ózgeler bar.
Shaǵyn quramda ekijaqty kelissózder júrgizildi. Qazir eki eldiń mınıstrlikteri men vedomstvolary basshylarynyń qatysýymen keńeıtilgen quramda kelissózder júrip jatyr. Kezdesýge qyrǵyz tarapy bastamashylyq etken.
Qazaqstan Respýblıkasynyń Qyrǵyz Respýblıkasymen saýda aınalymy 2017 jyldyń qańtar-shilde aralyǵynda $399,2 mln-dy quraǵan, sondaı-aq, ótken jyldyń osy kezeńimen ($311,6 mln) salystyrǵanda 28,1%-ǵa ($87,6 mln) ulǵaıǵan.
Qazaqstannyń Qyrǵyz Respýblıkasymen 2017 jyldyń qańtar-shilde aralyǵyndaǵy saýda teńgerimi oń kórsetkishke ıe bolyp, $127,6 mln-dy quraǵan. Bul ótken jylmen ($101,2 mln) salystyrǵanda 26%-ǵa ósken.
